عارفين الجملة الشهيرة بتاعت حزلئوم ؟؟ " مش يمكن لما اجرب اطلع بعرف " الجملة دي صح جداً علي فكرة !!
بجد مش هزار ! فعلاً هو ممكن يجرب الحاجه و يكتشف انه بيعرف يعملها! اساساً احنا بنكتشف امتي اننا بنعرف نعمل الحاجه ؟؟ مش لما بنجرب
يبقي حزلئوم واحد واحنا صفر
ندخل ف موضوعنا بقي .. ازاي نكتشف موهبتنا ؟؟ كلمة السر ف الموضوع دة هي " جرب " "
يعني هتعرف منين انك بتعرف ترسم من غير ما تجرب ؟ بتجب تقرأ من غير ما تجرب ؟ بتعرف تلعب كورة من غير ما تجرب ؟؟
يبقي اول خطوة هي اننا نجرب .. خلي عندك روح المخاطرة و الاستكشاف دائماً .. جرب كٌل حاجة حتي الحاجة الي مش بتحبها .
ثانياً : فكر كدة اية اكتر حاجه بتحبها و بتحس انك مرتاح وانت بتعملها ؟ في مثلاً ناس بتحب تعمل الاكل و تكتشف و تعمل فيه حاجات جديدة .. و ناس تانية بتحب تشخبط ف ورقة و قلم ( مش رسم بس شخبطة ) .. جرب كُل الحاجات الي انت بتحبها دي .. هي كدة كدة طالما انت بتحبها يعني بتستمتع وانت بتعملها .. ف طور منها .. يمكن تبقي موهبة و تبدع فيها !
ثالثاً : جرب الحاجات الصعبة .. الحاجات الي عمرك ما كنت تتخيل انك تقدر تعملها .. يعني مثلاً,
بتخاف من البحر و مش بتعرف تعوم ؟؟ حاول و خاف و اتجرأ و حاول تاني و اتحدي خوفك دة .. الفائدة من الموضوع دة حاجات كتير , زي ان مثلاً ثقتك ف نفسك هتعلي ( عشان انت اتحديت خوفك .. ف طبيعي تقدر تتحدي اي حاجة تانية !
رابعاً : الفيسبوك و التيليفزيون اعداء اي حاجه كويسة ف الحياة دي ! احنا بنضيع وقت رهيب قدام الحاجتين دول !!!! تخيل لو حطينا الوقت دة ف اننا نكتشف موهبتنا !! اكيييد هنكتشفها ! او حتي هنخلقها جوانا ف الوقت دة
( التيليفزيون فيه سم قاااااتل )
خامساً : جربت مرة تعمل سيرش علي النت عن ( Personality Quiz ) ؟؟
اية دة اصلاً ؟ دة زي امتحان صغير كدة علي النت فيه كام سؤال .. هتجاوبوا و هيجبلك ف الاخر سمات شخصيتك .. طب دة ايه علاقته بالموهبة ؟ اقولك
تعالي نتخيل انك شخص هادي .. ايه هيناسبك اكتر ؟ لعبى رياضه فيها عنف ولا انك تلعب مزيكا مثلاً ؟ اكيد المزيكا هتبقي متوافقة اكتر مع شخصيتك
طب لو انت شخص عصبي ؟؟ يبقي رياضه هتبقي احسن ليك لأنك هتطلع فيها الطاقة الي جواك دة .. جرب اعمل سيرش علي ال Quiz دة و شوف نتيجتك هتطلع ازاي .. بس استني خلص بقيت الموضوع الاول بعد كدة اعمل سيرش
سادساً : اسئل اهلك و صحابك و الناس القريبين منك هما شايفينك موهوب ف ايه ... اوقات كتيير اللي قدامك بيشوفك احسن ما بتشوف نفسك ..
سابعاً : اعرف ايه هي نقط قوتك و ضعفك .. عشان تستخدمهم ف صالح تطوير موهبتك دي ...
ثامناً : شجع نفسك دائماً ... شوف ناس ناجحة و مشهورة ف الحاجة الي بتحبها زي الكورة او المزيكا او الرسم او القرأة او اي حاجه و خدهم كا قدوة ليك .. و اعرف هما بقوا كدة ازاي ...
تاسعاً : حاول تزود معرفتك و معلوماتك عن كذا مجال من المجالات الي بتحبهم ... لأن كُل معلومة جديدة بتعرفها بتفتحلك طريق جديد
عاشراً : اتأكد دائماً ان ربنا خالقك و فيك حاجة مميزة .. مفيش حاجة اسمها انت معندكش موهبة او فلان موهوب اكتر منك !! انت عندك موهبة , الحواار كله انك محتاج تدور عليها و تطلعها من جواك و تبدأ تطور فيها و تخليها شئ اساسي ف حياتك .. الموضوع محتاج شوية شغل مش اكتر
متنساااااااااااااااااااااااااااااااش :-
1- تعمل مينشن لصاحبك عشان يستفاد
2- تعمل شير عشان كل الناس تستفاد
3- تدور علي ال Personality Quiz و تشوف صفات شخصيتك
