الرئيسية / المقالات /
8060 مشاهدة27 ديسمبر 2016

نسكافيه Nescafe - STJEGYPT

نسكافيه Nescafe - STJEGYPT



بمناسبة الساقعة بقا 

كلنا أما بنبقا مرهقين و تعبانين أو حتى ساقعانين بنحس ساعتها اننا محتاجين حاجة تظبط دماغنا زى مبيقولوا .. و فى الوقت دا بنجرى على المطبخ عشان نعمل نسكافيه ..
أشهر مشروب على مستوى العالم المعروف بانه اقصر طريقة ممكن تمدنا خلايا دماغنا بكمية كويسة من الكافيين و كمان طعمه حلو – يعنى مش محتاجين حاجة تانية -
نسكافيه .. منتج من منتجات شركة نسله السويسرية و شهرته لفت العالم كله لدرجة ان الناس اعتبره منتج مش ماركة تجارية أو براند لشركة معينة..
كلمة مختلطة فيها الحروف الاولى من اسم الشركة مع كلمة قهوة بالانجليزى ( Nes-Cafe) ، بدأ إنتــاجه الأصلي في العام 1938 م ، بعــد 8 سنين من ابحاث كتيرة اتعملت على المنتج ..
القصة بدأت جدياً فى الحرب العالمية التانية بعد مأصبح كل انتاج المصنع الموجود فى امريكا - و اللى كان بيوصل لمليون علبة فى السنة- بيروح للجنود و العساكر بس و كانوا بيخلصوه كله .. و من ساعتها بدأت شهرة نسكافيه يوم بعد التاني و من أسرار الشهرة دى كانت الحملات الاعلانية و التسويقية اللى كانت بتعملها الشركة السويسرية بكل اللغات و الثقافات و اللى ممكن نقول ان كل حملة فيهم ممكن تكون درس تسويقى منفصل.
شركة نسلة وصلت دلوقتى ان فى اكتر من 3000 كباية نسكافيه بتتشرب فى الثانية و دا مش ليه اى مضمون غير انه بيعبر عن شركة رائدة فى مجالها و واثقة جدا من جودة منتجها و متأكدة من استمراريته ..

Share

Suggestions

Back to Top