AD1
الرئيسية / المقالات /
9764 مشاهدة27 ديسمبر 2016

خمس خطوات علشان تتعلم أي حاجه - STJEGYPT

خمس خطوات علشان تتعلم أي حاجه - STJEGYPT

احنا عاوزين نتعلم حاجات كتير .. ونسينا أزاي نتعلم في الأصل !

ركز يا سيدي
دماغك بيتعلم من خلال خطوات معينة لازم يعدي بيها كلها ورا بعض
وهى كالآتي :
1- Motivation : لازم يبقى عندك دافع تتعلم
و دا بيوضحلنا سبب "أن ليه بنخرج من المدرسة و الجامعة من غير ما نتعلم " الإجابة ببساطة أن محدش بيكون عنده دافع وهو بيتعلم
بتتعلم و بتذاكر ع الفاضي .. من غير دافع ولا هدف.
حط هدف لنفسك ودافع .. انا لازم اعلم الحاجه دي عشان كذا كذا كذا
والدافع دا لازم يبقي "مفيد" و "قوي" .. حاجة مهمه يعني.

2- Start to practice : ابدأ أتمرن بقى
بعد ما حطيت قدامك دافع للتعليم .. جرب
جرب تعمل الحاجة بأكتر من شكل و أغلط و أهم حاجة أنك تغلط
اسأل كتيييير .. اسأل و متتكسفش تسأل و متخافش أن حد يقول عليك غبي !

3- Advanced practice : و هنا بدأت تدخل مرحلة الجد شوية
اقرأ و أحضر محاضرات عن الحاجة اللي حابب تتعلمها .. بشكل اكاديمي بقى
أدخل جوا أعماق العلم xD

4- Skillfulness : يعني إيه؟
البراعة .. لو عملت اللي فوق دا هتلاقي نفسك بدأت تنجح
أفرح شوية و أنجح أكتر .. خليك بارع في اللي أنت بتعمله

5- Mastery : و دي مرحلة الوحش !
العلم اللي اكتسبته دا َعلّمه للناس اللي حواليك .. عشان اكتشفنا أنك بتتعلم زيادة بنسبة ٩٥% الحاجة اللي بتعملها للناس.
وابدأ زود نفسك في الحاجه عشان تبقي محترف فيها.

5 مراحل مهمين
و الأهم أنك تاخدهم بالترتيب .. يعني عاوز تتعلم و تتحمس أوي و تخش ع التمرين من غير ما تحط لنفسك هدف أو دافع يبقى هتقف في النص !
عاوز تتعلم و هتجرب شوية عشان تبقى "بارع" .. لو ملقتش نفسك بارع هتُحبط و تتخنق و تسكت.

دافع .. تمرين .. تمرين أكتر .. براعة .. أحتراف

Learn

تعلم


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top