الدراسة في الولايات المتحدةعشر خطوات لو عملتهم هتبقى السنه الجايه فى امريكا بتدرس بكالريوس او ماستر او دكتوراة
1- ليه أمريكا:لانها ببساطة افضل دولة فى العالم كجودة تعليم والدليل على كده ان اول 14 جامعة على مستوى العالم من امريكا والسمعة العالية للجامعات الامريكية .. والبلد الوحيد اللى فيه اكتر من 40 جامعة بتدى دعم مادى كامل لاى طالب بيقبل ده غير اكتر من 100 جامعة تانيه فيها منح كاملة بتعتمد على ال academic exce
llence للطلاب
سبب تانى هو الفرص اللى بتوفرهالك الجامعات الامريكية .. هناك مش بتبقى مجرد طالب جامعة فحاجة اساسية انك تعمل research و applications لكل حاجة بتدرسها ده غير ان الجامعات بتتعاقد مع شركات عشان توفرلك internships تديك خبرة كبيرة فى الشغل وبتبقى شركات ضخمه زى جوجل وناسا و IBM وغيرهم
فى المانيا وبقية اوروبا بيبقى فى اكتر من 50 او 70 طالب فى المحاضره لدرجة ان فى ناس بتقعد على الارض ... فى امريكا بقى الوضع مختلف فمعظم الجامعات بتبقى ال faculty student ratio حوالى 10:1 يعنى عشر طلاب على البروفيسور الواحد فى المحاضرة
ده غير طبعا اللى هتوفرهولك الجامعة من وسائل ترفيه زى sports clubs, business clubs and arts clubs وغيرهم كتير.
انضم لصفحتنا علي الفيسبوك
2- امتحانات القبول:-
اهم حاجة فى طريقك لامريكا هى امتحانات القبول وتقريبا هى اصعب خطوه .. بتختلف من اللى عايز يدرس بكالريوس للى بيفكر فى ماستر او دكتوراة.
- للبكالريوس بتحتاج تاخد امتحان السات او ال ACT "اجبارى تاخدهم":-
السات وبصراحة ممكن يكون من اصعب الامتحانات اللى ممكن تقابلها فى حياتك بس فى ناس كتير بتعرف تجيب فيه درجات وكل حاجة وبيتكون من 4 اجزاء: Essay - Reading - Maths - Writing ... السات من 2400 وكل ما بتقرب من ال 2000 او تجيب اعلى بيبقى افضل لفرص سفرك
لو انت جربت السات واتخنقت منه ومش عارف تحل فيه عندك اوبشن تانى تاخده بدل السات وهو ال ACT وده هيبقى افضل شوية للناس اللى بتعرف تحل بسرعة.
ال ACT بيتكون من 4 اجزاء برضه: English - Reading - Science - Maths
ال ACT من 36 وكل ما بتقرب من ال 30 او اعلى بيعلى فرصتك فى القبول .. معلومات اكتر عن ال ACT من هنا: www.act.org
- لو انت عايز تدرس ماستر بقى مش هتبقى مضطر تعدى على مرحلة السات او ال ACT دى بس بتمتحن حاجه تانيه بتطلبها معظم الجامعات وهى ال GRE "اجبارى":-
بيتكون من 4 سكاشن:- ريدنج عباره عن جزء قطع وبتحل عليها اسئلة وجزء تانى vocabulary - رايتنج: وبيبقى عباره عن 2 essays واحده عن issue والتانيه argumentative - ماث - سيكشن experimental وده بيبقى واحد زياده من اى حاجة من اللى فاتو
*معلومات اكتر عن ال GRE من هنا: www.ets.org/gre
- لو انت عاوز تكمل بيزنس فى امريكا لازم تاخد ال GMAT "بيزنس بس"
معلومات اكتر عن ال GMAT : www.mba.com/global/the-gmat-exam
- كل الجامعات فى امريكا بتطلب التوفل اجبارى كاثبات لغة لينا ك international students وهو عباره عن 4 سكاشن فى ال 4 skills الاساسية: Reading - Writing - Listening - Speaking. التوفل من 120 وكل ما بتقرب او تعدى ال 100 كل ما فرصتك بتبقى اعلى.
* معلومات اكتر عن التوفل من هنا: www.ets.org/toefl
- بعض الجامعات "قليل اوى" بيطلبوا انك تاخد ال SAT Subject Test لو انت عايز تدرس بكالريوس او ال GRE Subject Test لو عايز ماستر فى مادتين بس ده مش اجبارى .. جامعات قليله بس اللى بتطلبهم
-----
3- ال GPA:-
وده متوسط درجاتك فى 3 اعدادى واولى ثانوى وتانيه ثانوى لو عايز تدرس بكالريوس او متوسط درجاتك فى سنين الجامعة لو عايز تكمل ماستر او دكتوراه .. ال GPA بيبقى مهم جدا لكل الجامعات واهم من الامتحانات اللى فوق كمان فحاول تجيب درجات عاليه وهو بيبقى من 4 للجامعات بره ومتقلقش لان 90% او اعلى من مجموعك بيبقى حوالى 4 من 4... اقل من كده بتبدا تقل فى ال GPA عن 4 !!
4- البحث عن الجامعات:-
الخطوه التالته هى انك تشوف الجامعات المناسبة ليك academically يعنى اذا كان الميجور اللى عايز تدرسه موجود فيها او لا و financially واذا كنت تقدر تغطى مصاريف الجامعة او ال financial aid والمنح اللى بتقدمهم الجامعات. المواقع دى هتساعدك فى البحث عن الجامعات "مترتبين على اساس الاهمية" افتحهم وحاول تدور على الجامعات المناسبه ليك وبعدين تروح تشوف Campus Tours للجامعات اللى عاجباك على يوتيوب وتعرف تفاصيل اكتر عن الجامعة اللى عايزه من الموقع الرسمى
* http://www.collegeboard.com/
* http://www.petersons.com/
* http://www.cappex.com/
* http://www.collegesource.com/
* http://www.review.com/
-----
5- قايمة الجامعات:-
انت دلوقتى قررت انك هتدرس بره ومعاك سكورز للامتحانات المطلوبه وعندك خلفيه عن الجامعات فى امريكا ... نروح بقى للمرحله الرابعه وهى ال college list .. امريكا فيها حوالى 5000 جامعة او يمكن اكتر والطبيعى انك مش هتقدملهم كلهم فبتختار حوالى 10 جامعات عالاقل تقدملهم واهم حاجة يكونوا مناسبين ليك academically و financially ولازم تكون القايمه بتاعتك متنوعه فى الجامعات ... يعنى مترحش تقدم فى جامعات كلها صعب القبول فيها وتبقى القايمه بتاعتك هارفارد وبرينستون وستانفورد وكولومبيا وجونز هوبكينز بس مثلا "ده اكبر غلط" .. اهم حاجة تختار 10 جامعات عالاقل مختلفين فى ال selectivity يعنى اتنين او تلاته بالكتير بس من جامعات احلامك اللى فوق دول اللى القبول فيهم صعب واتنين تانيين متوسطين شويه ومتنساش طبعا تحط اوبشن safe بالنسبة لك يعنى جامعة تكون ضامن انك تقبل فيها
-----
6- المقالات المطلوبه:-
-ال personal statement: ودى بتبقى اساسية واجبارى لكله وبتبقى موجوده عال commonapp.org بتبقى عباره عن مقاله لجزء من حياتك الشخصيه وليها 5 مواضيع بتختار منهم واحد... حاول تبين جزء شخصى بحت من حياتك للجامعات وتوضح فيه خبرتك واللى استفدته وازاى انت بقيت positive اكتر دلوقتى فى ال personal statement wink emoticon ... بتبقى من 250 : 650 لكلمة ومطلوبة فى كل الجامعات.
-ال supplemental essays ودول مقالات اضافيه بتطلبها بعض الجامعات .. فى جامعات زى ستانفورد مثلا بتطلب اكتر من 5 مقالات زياده وجامعات تانيه مش بتطلب غير ال personal statement بس ... فكرة المقالات ان الجامعة بتبقى عايزه تعرف اكتر عن اللى بيقدملها وعن ال talents وال experiences وطريقة تفكيرك .. متستقلش بالمقالات لانها فى نفس اهمية الامتحانات وال GPA
----
7- ال Counselor Letter & Recommendations:-
ال counselor letter ده اجبارى لكله ومهم "جدا" وده اللى بيكتبه مدير مدرستك او الشخص المسئول عامة عن المكان اللى بتدرس فيه .. المفروض انه حاجة زى تقرير عنك وده اللى بيتسجل فيه ال GPA بتاعك برضه .. متنساش تانى انه مهم "جدا" فخلى ال counselor بتاعك يهتم اوى بيه وهو بيكتبه
- بالنسبة لل recommendations بقى فبيبقوا عباره عن توصيه من 2 مدرسين او اكتر ولو انت فى جامعة يبقى اتنين دكاتره ودول اجباريين برضه ومهمين لكل الجامعات فاهتم بيهم برضه .. "المفروض ال recommendations يوضحوا مواهبك وليه الجامعة المفروض تختارك"
----
8- التقديم:-
خلاص انت كده جهزت كل حاجة مطلوبه ووصلت لمرحلة التقديم خلاص فبتعمل اكونت عالكومون اب ( commonapp.org ) لان ده اللى هتبعت منه كل حاجة للجامعات اونلاين.
9- الفيزا:-
بعد ما بيوصلك ال acceptance letter بتروح السفاره وبتقدم عال F1 VISA والعمليه بتبقى سهله ان شاء الله
----
10- احجز تذكرة السفر "ومبروك عليك الدراسه فى امريكا
انضم لصفحتنا علي الفيسبوك
