الرئيسية / المقالات /
9784 مشاهدة31 ديسمبر 2016

20 سبب يخلوك تصاحب مبرمج - STJEGYPT

20 سبب يخلوك تصاحب مبرمج - STJEGYPT


كتير مننا له صحاب مبرمجين و مش مقدر اهمية الموضوع ده بالنسباله و ازاى انه لازم يحافظ عليهم !!

هيطلع واحد يقولي ماله يعنى صاحبك المبرمج ماهو زيه زي اى حد يا عم .. هقوله " لا يابو لسان طويل " .. *بصوت القرموطى*

صاحبك المبرمج مليان اخلاق و قيم و مبادئ كتير محتاج اللى يطلعها من جواه 
.. ما تيجي نشوف 
* بصوت ابراهيم نصر * :

1 - صاحبك هتلاقيه ماشى بمبدأ الـ Self invoking function .. ده مش محتاج حد يقوله اعمل كذا امتى ولا تعمل ايه .. هو راجل معتمد على نفسه مس مستنى حد يعمله calling 

2 - لما تقوله 5+5*2-11 بتساوى كام ؟؟ هيطلع ذكي و فى ثانية هيقولك 6 و مش هيفقعك و يقولك 50 

3 - مش سخيف و بيقول كلام دبش على طول .. هتلاقيه امتى بيعرف يعمل "Break" و امتى يعمل "Continue" 

4 - معندوش مبدأ " حافظ مش فاهم " لانه ببساطة ماشى بمبدأ الـ if else
لو case بيفكر فيها فشلت .. هيروح للـ if else و لو كل الـ cases فشلت .. هيروح ف الاخر للـ Else .. دايما عنده حل و مش حافظ 

5 - بيعرف دايما يقولك سبب اى مشكلة كويس و يساعدك تحلها لانه بيطبق الـ Exception handling


6 - سوسه و نبيه و بيسمع دبة النملة من كل حاجة بتحصل حواليه لانه "Event Listener" 

7 - لو اخدته معاك ف ماتش كورة مش محتاج تقوله انت لازم تجري و اشوفك نحلة ف الملعب .. انت بس كفاية عليك تظبطله الـ loop counter زي ما انت عاوز .. و هتلاقيه بيفرتك النجيلة 

8 - بيعرف يعمل مليون حاجة ف نفس الوقت و فى كذا طريق مختلف .. ببساطة لان عنده "Threading" 
9 - مش بيلبس ساعة لان عنده Date & Time built in functions 

10 - مش بيصنف اى حاجة ببتقال من اى شخص انها " كلام و خلاص "
عنده الكلام انواع .. ( int .. string .. float .. boolean )

11 - ممكن يبقى عنده حاجة .. و يعرف يستخدمها ف مليون استخدام
لانه بيعمل overloading لكل حاجة عنده 
و الـ Generics

12 - بيعرف يحفظ الاسرار اوى و كتوم .. لان مجرد ما هتديله " سر " هيعرفه private و هيعمله encapsulation 

13 - هيساعدك جداً ف الكلية و هيديك ملخصات زي الفل .. لانه فاهم Abstractions و interfaces 

14 - الذاكرة عنده مش عادية .. دى متقسمة Stack & Heap 

15 - لو ضاعت منه حاجة ف اى حتة .. مش هيستنى مامته تيجي تلاقيها 
!! .. هو كده كده بيطبق الـ Search algorithms و ف ثانية هيلاقيها 

16 - لما تيجي تاخد رايه ف اى عروسة .. هيفيدك اوى لانه هيجمع Requirements كويس و هيعمل analysis زى الفل و كل فترة هيعمل testing و هيسال عنها و يديك feedback 

17 - هيشرفك ف اى فرح او اى خروجة .. لانه شياكه و بيهتم اوى بالـ user interface 

18 - هتجيبه ف اى مكان و مع اى حد .. هيدوس معاك .. و يقدر ياخد اى شكل عاوزه فيه .. عنده مبدأ الـ polymorphism 

19 - لما تقوله اعمل حاجة هيفضل يعملها دايما .. الا لو غيرتله الـ condition 

20 - دي نصيحة : خلي بالك انك و انت معاه ممكن يفضل يرغى يرغى و يدخل ف infinite loop و متعرفش تسكته الا لما تقفل الموبايل ف وشه 
!!
كتبه : محمد عبد المنعم

Share

Suggestions

Back to Top