AD1
الرئيسية / المقالات /
9085 مشاهدة24 يناير 2017

خطة العام الجديد , ستغير منك كثيرا لتحقيق أهدافك - STJEGYPT

خطة العام الجديد , ستغير منك كثيرا لتحقيق أهدافك - STJEGYPT
لا تنسي الاستفادة بمزايا قنواتنا عالتليجرام
اشترك الآن للحصول على كورسات مدفوعة ( مجانية ) وتدريبات اضغط هنا للإشتراك

هديتي ليكم مع دخول السنه الجديد.... ياله أعمل خططتك دلوقتي

كتبه : معتز ياسر

اللى بيخلى سنة بتفرق عن اى سنة قبليها هى الخطة، عشان كده الPlan الكويسة اللى بتكون معموله بشكل منظم بتخليك تبقى عايز تكمل دايما من غير ما تحس بملل. شوية نصايح عشان تعمل بلان كويسه.....

1- الWheel of Life:
هات ورقه وقلم وألوان وفي أول صفحة ارسم عجلة الحياة واللي مكونة من 8 خانات وهى بتساعدك يبقى قدام عنيك جميع جوانب حياتك، وال 8 خانات هما:
صحه - روحانيات - عقل - عمل - مال - حياه اسريه - حياه اجتماعيه - تطوع وعجلة الحياة.

فى كل خانة من دول ابتدى اكتب الاهداف اللى عايز تحققها فى 2017 فى كل ركن من الاركان دى.
-----------------------------------------------------
2- الاهداف:
حاول بقدر الامكان تخلى اهدافك على قد الفتره الزمنيه المتاحه بالنسبالك، وكمان متحددش اهداف فوق طاقتك، حاول تركز على اكتر حاجات انت محتاج تشتغل عليها كويسه السنة دى.... واهدافك لازم تكون Smart:
محددة S) Specific)
قابلة للقياس M) Measurable)
قابلة للتحقيق A) Achievable)
ذات صلة فعليًا بك R) Realistic)
محددة بوقت T) Time-bond)
----------------------------------------------------
3- اعمل SWOT لنفسك:
من اهم الحاجات اللى هتساعدك تعمل Plan كويسه هو انك تبدأ تعرف نفسك كويس اوى....
الS = نقاط القوه
الW = نقاط الضعف
الO = الفرص المتاحه
الT = التهديدات
تعالوا نتكلم على نقطه نقطه بالتفصيل :
- نقاط القوه :
ودى بتساعدك تعرف نقاط قوتك ، وبتساعدك انك تظهر نفسك كمنتج منافس فى السوق بالنسبه لمنافسينك ، وكمان بتظهر تميزك عن الباقى اللى بينافسوك فى مجالك.
- نقاط الضعف :
ودى بقى هى الحاجات اللى عندك ضعف فيها ومحتاج أنك تشتغل عليها أكتر عشان تقدر تنميها ودى فى الغالب بتكون صفات فيك بس ضعيفه شويه وبتكون محتاجها عشان تقدر توصل أسرع فى الكاريير بتاعك.
- 3 ، 4 :
فكر فى التهديدات على انها الفرص المتاحه ليك ، يعنى فكر فى التهديدات الآول اللى بتواجهها فى الكاريير بتاعك يعنى فكر مثلا فى حد بينافسك فى مجالك عشان هو مثلا معاه كورس معين وأنت لآ فكده هو هيسبقك وده بيبقى تهديد ليك فكر بقى فى طرق تخليك تتغلب على ده أمثله :
- تهديد : منافس ليك بيتكلم أنجليزى كويس.
- الفرصه : أنك بسرعه لازم تتعلم أنجليزى وتكون أفضل منه كمان.
- تهديد : منافس ليك بيعرف يعرض كويس قدام الناس.
- الفرصه : أنك تدرب كويس وتروح أماكن كتير وتبتدى تعرض قدام الناس أكتر.
---------------------------------------------------
4- التحضير:
اعمل كل ده على ورقه كبيره جدا، وخلى الورقه دى على مكان ظاهر دايما قدام عنيك، عشان ده هيشجعك دايما وهيخليك دايما فاكر ان فى خطة انت ماشى عليها ;)
--------------------------------------------------
5- التقييم:
عشان تقيم خطتك فى كذا طريقه: فى ناس بتحب تقيم كل 3 شهور هى وصلت لفين - وفى ناس بتعملها كل شهر...... اختار افضل وقت تقيم فيه هيساعدك تعرف انت ماشى على الطريق الصح ولا لآ :)

طبعا دى احد الطرق عشان تعمل خطة، وفى كذا طريقه تانيه..... لو عارف طريقه افضل وبتريحك خليك عليها ;)

خطط لمستقبلك


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top