الرئيسية / المقالات /
13099 مشاهدة26 يناير 2017

من المقالات المحفزة جدا بين جيم كاري لما كان مع اوبرا - STJEGYPT

من المقالات المحفزة جدا بين جيم كاري لما كان مع اوبرا - STJEGYPT


جيم كاري لما كان مع اوبرا وينفري سنه 1997 كان بيحكلها انه ازاي كان بائس وان حياته مكانش ليها معني وانه كتب لنفسه شيك بمبلغ 10 مليون دولار وان ازاي ده كان رقم خرافي بالنسبه لوضعه بس هو كتبه وصدق وحط الشيك في محفظته اللي كانت مبهدله وحدد لنفسه فتره 5 سنين قبل عيد الشكر سنه 1995 عشان يوصل للرقم ده .
الجميل بقي انه في قبل عيد الشكر سنه 1995 بالظبط كان معاه شيك ب 10 مليون دولار بالظبط عن فيلم dumb &the dumber .
اوبرا قالته كلمه قويه جدا قالته انت كنت مصدق وشايف ده قالها اه ردت بجمله حلوه جدا
(التخيل والتصور بيحقق نتايج لما نصدق ونشتغل بجد )
(لينك اللقاء في اول تعليق)

**
**
في مفهوم مهم جدا اسمو الترمومتر او درجه حراره التكييف :

ببساطه لما بتشغل التكييف بنظبطه علي درجه معيينه مثلا 27 بيبدء التكييف يشتغل start up قوي جدا يبذل اقصي جهده عشان يوصل للدرجه دي لحد مايحققها جوه المكان بيفصل خالص
وبيشتغل تاني لو درجه حراره الغرفه اتغيرت .
كل واحد فينا عنده درجه محدده في عقله وتصوره لكل حاجه في حياته
درجه محدده لكميه الفلوس اللي شايف انها مناسبه ليه او ان ده الرقم اتقديري لقدراته ..
درجه للنجاح الي ممكن يتحقق في المجال الوظيفي في حد بيخاف اصلا من النجاح او انه يكون ظاهر ..
درجه لشريك الحياه الي يستحقه .
*
*
الدرجه دي عند كل الناس من اول البسيط جدا لغايه المليونير الي وصل ل 2 مليون وفصل وفي واحد تاني بردو زيه وصل ل 10 وفصل .
مهما كنت ناجح وعندك طموح او معندكش حاجه هتلاقي في الاخر في درجه .
طب احنا ازاي بنحدد لدرجات دي في مخنا ؟؟

الدرجه دي في العقل اترسمت من خلال المعلومات اللي اتكونت من الناس المحيطه بيك اهلك تعليمك علاقاتك فطبيعي مش هتحدد درجه اعلي منهم لان في الغالب احنا بنحس بالامان وسط الناس اللي شبهنا .
*

الدرجه دي الي السبب لو حد جاله فلوس اكتر من الي متعود يعيش بيه هتتصرف هيتخلص منها لانها في درجه اعلي منه او اتعرض عليه وظيفه او مشروع اعلي من الدرجه اللي في عقله هيهرب ويخاف حتي لو مقتنع انه هينجح فيها بس مش هيكمل .
*
*

درجه الي بتخلي شركه ممكن تكبر وتنمو اضعاف وتحقق نتايج اكبر ولكن صاحبها قرر يقف هنا اكتفي هو راضي كده .

الفكره المهمه :

انك لما بتكون في درجه 4 وتبدء تظبط نفسك علي درجه 8 مثلا هتقابل ناس وافكار ومواقف وفرص من درجه 8 ده مش حظ دي نوايا هتبدء تحس ان فيه منظور تاني كانك كنت عايش في دور جوه ادنيا وطلعت الدور اللي فوقيه شكل الاماكن والناس اللي حواليك هيتغير
(عن تجربه شخصيه ) .

بعد فتره هتكون عايش وسط الدايره دي ولما توصل هناك الناس الي لسه في درجه 4 هيتكلمو وهيحكو عنك وهيشوفوك محظوظ او قدوه .
ولما هي سهله كده ليه كل الناس مابتعملش كده ؟؟
لانك بتبقي لوحدك بتخرج من الطابور بتنعزل شويتين (دي اصعب فتره)
لازم تصدق وتكمل لوحدك مع ان مفيش اي حاجه او سبب حواليك مقنع انك تكمل .
*
*
اما بتكون مسافر طريق 8 ساعات زي دهب مثلا بتبدء تحس بالتعب بعد 5 ساعات ولو مسافر ساعتين اسكندريه بتحس بالتعب والزهق بعد ساعه ..
المشكله مش المشوار قد ايه المشكله انت قدرتك تحدد مشوار قد ايه لان اغلب المشاوير البعيده هتحس انك مش هتكملها فا مش هتمشي فيها اساسا .

لو مقرر تعيش في درجه عاديه حلو مش لازم كل الناس تبقي مميزه مين هيعمل الوظايف العاديه بس بلاش تكون رقم زياده اعمل الحاجات العاديه بطريقه عظيمه خليك احسن واحد في الدرجه اللي انت فيها ..
ولو قررت تطلع فوق وتعيش علي مستوي اعلي ابعد عن الناس العاديه شويه عشان تشوف ناس غيرهم
اي هدف اتحقق ليه اثر امشي ورا اثر الي قبلك هتوصل لنفس خط النهايه ..
في حكمه حلوه بتقول
اذا اردت ان تحلق مع النسور فلا تذهب للسباحه مع البط ...
ولنا في الشغف حياه ....
كتبه : عبد الرحمن عبد الله

Share

Suggestions

Back to Top