كل شخص فينا عنده تدريب او وظيفه معينه عايز يشتغل فيها ويبقى اشطر واحد فيها كمان
بس فى الفتره الاخيره بقت الطرق التلقيدية فى البحث عن وظيفه مبقاش ليها نتيجه فعاله زى الاول. فى المقال ده هنتكلم فى 5 من افضل الطرق الناجحه والفعاله فى البحث عن الوظيفه اللى بتتمناها:
1- معارض التوظيف:
معارض التوظيف او ما يطلق عليها الJob fairs تعتبر من افضل الطرق لانها بتضم شركات كتير جدا فى مكان واحد. كل شركة بتكون موجوده جوه المعرض ده وليها ناس واقفين بيتكلموا بأسمها وبيعرفوا الناس اللى بتقدم بالشركه دى. وايه المناصب اللى مفتوحه حاليا عندهم.
المعرض بيضم شركات عادية وشركات Multinationals. اهم حاجه فى معارض التوظيف مش فى انك تقدم....اهم حاجه انك تقدر تعرض نفسك صح للمثلين الشركه اللى واقفين قدامك.
2- Network:
شبكة علاقاتك فى حياتك المهنيه من أهم الحاجات اللى بتساعدك على أنك تنجح وتوصل أسرع فى الCareer بتاعك لآن الموضوع حاليا بقى أنت عارف مين؟ وهل اللى أنت عارفه ده عارف أنت شاطر فى أيه ولا لآ؟ كل شخص بتقابله فى حياتك المهنيه بيكون بالنسبالك فرصه أنك توصل بشكل أفضل فى الCareer بتاعك.
ده غير كمان أن معظم الشركات بقى نظام التعيين عندهم قائم بنسبة 80% على الNetworking ، والفكره هنا مش أنك تتعرف على ناس وتقول لهم شغلونى وأنا محتاج مساعده. الفكره انك تعرض اللى عندك وتبين شاطرتك وسعتها هما هيقولوا لك تعالى احنا عايزينك معانا :)
3- LinkedIn:
بالرغم من ان LinkedIn مش موقع توظيف الا انه اداه بتساعدك انك تبنى Network كويسة اوى فى الCareer بتاعك. واحنا ضفناه فى البوست لانك تقدر تستخدمه فى انك تعرض نفسك كويس اوى عليه وتبين اللى عندك وتظهر شطرتك فى مجالك.
استخدم LinkedIn فى انك تظهر انت نفسك كاحسن شخص هيقدم للشركه الValue اللى هى عايزاها وبتدور على فى الشخص اللى مقدم.
4- مواقع التوظيف:
مؤخرا فى ناس كتير بدات تقدم على الوظايف اللى بتنزل على مواقع التوظيف وفى ناس اشتغلت فعلا فى وظائف كانوا عايزنها من خلالها.
والمواقع دى من اشهرها (Bayt - Wuzzuf - Jobzella) وطبعا فى اكتر كمان بس دول اكتر مواقع معروفه وسمعتها كويسه بين الناس
5- Walk In:
وهى انك تروح مقر الشركه اللى انت عايز تشتغل فيها وتقدم الResume بتعتك هناك للHR او لحد هيوصلها للHR
