هو اكبر موقع تواصل خاص بسوق العمل واصحاب الاعمال عليه بتقدر تتصل بناس يقدروا يفيدوك في مجالك المهني وممكن من خلاله تقدر توصل لوظيفه محترمه وتقدر برده من خلاله تتعلم وتاخد شهادات كمان +الموقع متصل ب ليندا lynda اكبر منصه تعليميه من خلال الفيديوهات + متصل بموقع slide share اللي تقدر تحمل من عليه اي بريزنتايشن ف اي مجال
من الاخر موقع مهم ومينفعش اي واحد بيبحث عن شغل اي مجال ميكونش له بروفايل عليه وحتي لما تيجي بتقدم علي شغل الHR بيخش يبحث عنك عليه ويشوف مهاراتك وبروفايلك
الميزه الاهم لاي حد حابب يعمل personal branding ويبقي ظاهر جدا في مجاله هي ان تواجد profile قوي ليك علي الموقع بيساعدك جدا في الظهور علي محركات البحث زي جوجل
طيب عرفنا اهميته محتاجين نعرف ازاي نبني بروفايل متميز ويكون احترافي
دي خلاصه اكتر من سنه عليه وبعد سماع تقييمات من ناس اصحاب topviews عل الموقع ولاحظ الترتيب لان الترتيب ف البروفايل مهم
*مبدئيا هتسجل فالموقع عادي كانك بتسجل فيس بوك او اي موقع
**تاني حاجه هتبدا تحط summary ليك تكتب ملخص بسيط عنك وتحط ف الملخص ده ال cv بتاعك ترفع ال pdf في الخانه دي
***بتاعك بعد كده هتحط معلومات عن ال contacts والمعلومات الشخصيه كالايميل ورقم التليفون وحالتك الاجتماعيه في خانه Additional Info
**بعد كده خانه experience هتبدا تحط فيها اشتغلت فين قبل كده او ادربت فين بالنسبه للفري لانسرز هيكتب بس freelancer هيظهرله الشركه فيعمل شغال من كام لكام +يكتب ديسكربشن بسيط هو بيعمل ايه عل الموقع +بيتيح لك تحط صوره او ملف عن اي حاجه عملتها عل الموقع او ف مكان العمل اللي اشتغلت فيه
***بعدها هتكتب في خانه Education التعليم بتاعك او اخر درجه علميه انت حاصل عليها
****خانه ال languages تكتب اللغات اللي معاك ووتختار المستوي بتاعك
****بعدها Skills & Endorsementsتبدا تحط مهاراتك اللي بتمتلكها زي عل الفري لانسر .
*بعد كده خانه Volunteer هتكتب فيها الخبرات التطوعيه اللي عملتها ف حياتك
***بعدها خانه Projects بتكتب فيها المشاريع زي مثلا مشروع التخرج اللي قمت بيها وبيتيح ليك ان انت تكتب اشخاص اللي عملوا معاك المشاريع لو ليهم اكونت عل لينكد
**** بعدها خانه Certifications بتكتب فيها الشهادات اللي حصلت عليها ويفضل ان انت ترفهع الشهادات بتاعك عل جوجل درايف او اي موقع وتاخد اللينك بتاع الشهاده وتحطه لان بيطلبه منك وطبعا بيطلب اسم الشهاده والتاريخ
+ميزه اضافيه للي بيتعلم عل منصه ال learning عل الموقع بعد ام يخلص course مشاهده الفيديوهات بياخد شهاده للي اتعلمه ويقدر يضيفها
****اخر خانه ال Courses ودي تحط فيها الكورسات اللي اخدتها
========================================
(((((((((شويه ملحوظات مهمه ))))
****يفضل عمل edit لاسم الاكونت بتاعك عل لينكد بيتيح تغيير الموقع
وده هتلاقيه تحت الصوره الشخصيه تقدر تعدله علشان يكون رابط الموقع احترافي
****لازم تعمل connect بناس احترافيين ويفضل بناس hr لانهم دايما بينزلو وظايف +كونك انك تعمل كونكت بناس جامده بيدي ثقل للبروفايل بتاعك وبيزود عدد الviews لبروفايلك يعني حاول تعمل كونكت لناس مشهوره او البروفايل بتاعها قوي
****تطلب من زمايلك او من الاشخاص اللي انت عامل ليهم connect انهم يعملوا ليك endorse للمهارات بتاعك
***الصوره الشخصيه بتاعك تكون formal
علشان ترفع ال rank بتاعك عل الموقع لازم يبقي ليك تفاعل عليه يعني انضم لمجموعات واعمل فولوينج لصفحات خاصه بشغلك ودراستك وحدث البروفايل باستمرار
كتبه : ابراهيم السكري
