AD1
الرئيسية / المقالات /
10831 مشاهدة01 فبراير 2017

ليه نعينك انت ؟ إجابة مختلفة هتنتهي لمصلحتك 100 % . - STJEGYPT

ليه نعينك انت ؟ إجابة مختلفة هتنتهي لمصلحتك 100 % . - STJEGYPT

. لازم تتسأل السؤال دا سواء مقدم على شغل او تدريب
دورك انك تعرض اجابتك فى 3 نقاط رئيسيه .. بعيدا عن على ربيع بقى

1- المؤهلات Qualifications :
كل وظيفة او تدريب وليها مؤهلات معينة .. ولما تيجى تجاوب السؤال ده لازم توضح لل HR انهم كانوا طالبين مؤهلات 1 و 2 و 3 وانت عندك المؤهلات دى فعلا وازاى انت مميز فيها
2 - القيمة المضافة Your Value :
انت مش بس مجرد متدرب او موظف هتقبض اخر الشهر وخلاص .. قدم نفسك كحل لمشكلة موجودة عندهم فعليا او حل لهدف بيحاولوا يحققوه, وده هيحتاج منك انك تجمع معلومات كتير عن الشركة قبل المقابلة وتعرف ايه اكبر مشاكلهم فى السوق او اهدافهم اللى جاية وازاى مؤهلاتك ممكن تساهم فى حل المشاكل او تحقيق الاهداف دى


3 - الشغف Passion :
عندك المؤهلات .. عادى ممكن تكون عند ناس كتير بس الشغف وحب المجال هو اللى هيخليك دايما تشتغل اكتر من اى حد وتطور من نفسك وشغلك بأستمرار ودى حاجة يتمناها اى مدير او HR فى الشخص اللى هيعينه انه يكون بيحب مجاله =D
واتكلم عن افكارك والحاجات اللى نفسك تتعلمها او تطبقها فى المجال ده وممكن تفيد بيها نفسك والشركه مستقبلا

انت ممكن يكون عندك مؤهلات قوية وشاطر جدا فى شغلك او دراستك بس لو متعلمتش ازاى تعرض ده وتتكلم عليه محدش هيعرف عنك وعن شطارتك

وفى النهايه انت شخص دارس بره وجوه  .. قدم نفسك كحل ليهم وازاى انت عندك القدرة والمؤهلات انك تحل مشكلة او تحقق هدف فعلا وازاى كمان انك عندك الشغف بالمجال دا

المقابلة الشخصية


Share

Suggestions

AD1

Back to Top