AD1
الرئيسية / المقالات /
12074 مشاهدة01 فبراير 2017

اهم 6 مؤهلات عشان تبدأ ال Career بتاعك بنجاح - STJEGYPT

اهم 6 مؤهلات عشان تبدأ ال Career بتاعك بنجاح - STJEGYPT

عشان تنجح فى مجالك وتلاقى فرصة فى سوق العمل,
فى 6 مؤهلات لازم تحصل عليها قبل ما تتخرج او تبدأ فى مجالك:

1- اللغة : ودى ابتدى ركز عليها من دلوقتى الى ما لا نهاية وركز انك ترفع اجادتك للغة الانجليزية لممتاز وده سهل بشوية سعى وممارسة مش كورسات بس.

2- مهارات شخصية: ودى هتختلف على حسب المجال والويفة بس فى اساسيات لازم تبقى عندك زى انك تعرف تشتغل فى فريق وتتواصل مع الناس وعندك مهارات قيادة وعرض والقاء,

ودى ممكن تحصل عليها من التطوع والاحتكاك بالناس او تتعلم عنها وتمارسها لفترة طويلة.

3- مهارات كمبيوتر: كل مجال وليه برامج مهمة للشغل لازم تتعلمها بالاضافة انك تتعلم كمان
برامج الاوفيس واهمهم ال Excel وال Powerpoint وممكن تتعلم ايا من البرامج دى بنفسك من على اليوتيوب او موقع زى Udemy.com يعنى مش هتحتاج تدفع فلوس فى كورسات.

4- مهارات فنية: يعنى تكون فاهم كويس فى مجالك وبتعرف تطبق,
بغض النظر عن المصدر اللى اتعلمت منه وطبقت من خلاله سواء بقى اتعلمت اونلاين او خدت كورسات او حد شرحلك او علمت نفسك, الاهم انك تكون فاهم فى مجالك.

5- Network: من المهم ان يبقى عندك شبكة علاقات قوية فى مجالك ويكونوا عارفينك وتعرفهم كويس لان اغلب الشغل والفرص بيتعرف عنها عن طريق العلاقات وهم اللى ممكن يرشحوك لفرص ووظائف مختلفة لو عارفين انك مؤهل ليها وده يختلف تماما عن الواسطة.

6- مهارات سوق العمل: يعنى تبقى عارف ازاى تكتب Resume قوية وتعرض نفسك فيها او ازاى تعدى اى Interview شغل او ازاى اصلا تدور على شغل وتستخدم مثلا Linkedin وغيره فى انك توصل للفرص اللى بتدور عليها وتبنى شبكة علاقات.

وكل المهارات دى للاسف محدش بيدرسها فى الجامعة وبتتصدم بيها بعد التخرج وممكن تضيع منك فرص كتير انت مؤهل ليها بسبب انك مش عارف تعرض مؤهلاتك صح.
اشتغل على نفسك فى اول 5 حاجات واحنا هنساعدك فى مهارات سوق العمل وازاى تعرض نفسك ومؤهلاتك بشكل قوى يخليك توصل لفرص افضل فى مجالك.

واشتغل على نفسك من دلوقتى سواء انت لسة طالب او متخرج جديد او حتى غيرت مجالك ولسة بتبدأ فى مجال تانى من الاول مهما كان سنك, المهم تبدأ تسعى.

الخلاصة:
ركز فى بداية حياتك انك تفهم وتتعلم وتجرب نفسك فى حاجات مختلفة, لغاية ما تستقر على مجال او تخصص معين واسعى انك تكون الافضل فيه ومتستتش نفسك.

لان عمرك ما هتكون شاطر فى كل حاجة,
بس ممكن تختار حاجة واحدة تكون اشطر واحد فيها 

كتبه : محمد ياسر

Work Guide

career


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top