الرئيسية / المقالات /
19996 مشاهدة19 فبراير 2017

ازاي تكبر الـتفاعل علي السوشيال ميديا - STJEGYPT

ازاي تكبر الـتفاعل علي السوشيال ميديا - STJEGYPT


الـ Engagement عامل كلنا بنسعى لتحقيقه و إننا نوصل لأكبر قدر من التفاعل والاستجابة على السوشيال ميديا من الجمهور المستهدف التفاعل ده ممكن يكون فى صورة لايك، شير، ريتويت، منشن، +1 أو أى وسيلة أخرى من وسايل التفاعل على قنوات السوشيال ميديا المختلفة.
لكن فى الحقيقة أهمية الـ Engagement أكبر من إنه مجرد حوار بين الـ brands و الـ customers لأنه كمان بيدخل فى ألجوريزمات الفيسبوك زى الـ "Edge Rank" و الـ "machine learning" واللى بيتحدد على أساسها الصفحات اللى تظهرلك منها بوستات فى الـ Home تلقائيا بناء على تفاعلك المستمر معاها وصفحات لا عشان كده بتلاحظ إنك تكون عامل لايك لصفحات و مش بتظهرلك منها أى منشورات على الـ Home و عشان كده بتلاقى على بعض الصفحات بوستات من نوعية "من فضلك اضغط لايك و اعمل شير لزيادة التفاعل"
و هنا نيجى للسؤال المهم .. إزاى نزود الـ Engagement على السوشيال ميديا ده ؟
بالإضافة للقاعدة الأساسية اللى بتقول " عايز الناس تتفاعل معاك اتفاعل معاهم " .. دى بعض النصايح لزيادة الـ Engagement :
-زى ماقولنا إن الـ Engagement حوار بين الـ brand و الـ customer فى الحوار ده خليك إنت المستمع .. اسمع للجمهور و شوف نفسك بعينهم .. اعرف دايما رأيهم فيك و فى الخدمة اللى بتقدمها و هل هما راضيين عنها ولا لأ
-الصور و التصميمات اللى بتاخد العين من أهم عوامل زيادة التفاعل .. المحتوى اللي بيشمل على صورة بيحصل على تفاعل بنسبة 87% و النسبة الباقية متوزعة على الأنواع التانية من المحتوى زى الروابط و الفيديوهات و غيرها
-الفيديوهات أصبحت مهمة جدا و زاد استخدامها من البراندات الكبيرة فى الفترة الأخيرة بشكل ملحوظ خصوصا مع وجود تطبيقات سهلت مهمة عمل الفيديوهات من الموبايل زى Meerkat و Periscope
-خلى محتواك متفاعل مع الناس .. خليهم يحسوا انك مش بس بتلقى عليهم المعلومة لأ كمان خد رأيهم و اسألهم و استخدم أنواع المحتوى التفاعلي زي الـ quizzes و الألعاب و تطبيقات الموبايل
-جمع كل فترة الأسئلة اللى بتتسألها بشكل متكرر و جاوب عنها فى فيديو أو تسجيل صوتى .. ده هيحسس جمهورك انك متابعهم و مهتم باستفساراتهم و بالتالى هيهتموا بيك أكتر .
-خليك حقيقى .. من السهل على السوشيال ميديا إنك تتصنع و تظهر بشكل غير حقيقى أو تقلد الموجود لكن إنك تكون على طبيعتك و يكون ليك شخصيتك الخاصة هيخلى الناس تتفاعل معاك أكتر و تستمر فى متابعتك .
-اعمل group على الفيسبوك .. يفضل انشاء جروب بجانب الصفحة للبيزنس بتاعك على الفيسبوك و ده لأن الجروبات محددة اكتر و الناس اللى بتدخل فيها هما اللى بالفعل مهتمين بمجال البيزنس و عملاء محتملين له .. و لأن الجروبات بتظهر أكتر من الصفحات فى الـ News feed
-اهتم بالتواجد أونلاين فى الأجازات .. بعض الاحصائيات بتقول إن التفاعل الأكبر او الـ "spikes " على السوشيال ميديا بتحصل أيام الأجازات و خصوصا الجمعة .
-عيد نشر الـ Viral Content .. لو قدمت محتوى ناجح و الناس تفاعلت معاه بشكل كبير انشره مرة تانية , ده هيخلى الناس اللى ماتفاعلوش معاه قبل كده يتفاعلوا معاه و يوصل أكتر .
-استخدم الـ hashtags اللى بقت موجودة دلوقتى فى كل السوشيال ميديا مش تويتر بس .. استخدام الهاشتاج هيساعدك توصل لناس أكتر عن طريق السيرش و المحتوى اللى بيشمل على هاشتاج بيحصل على ضعف تفاعل المحتوى العادى .
-القصص من أكتر الحاجات اللى بتجذب الناس على السوشيال ميديا .. و بالتالى المحتوى اللى بيشمل على قصة أو حكاية بيحصل على تفاعل أكبر من الناس .
-قدم قيمة .. المحتوى المفيد اللى بيحل مشكلة عند الجمهور هيشجعهم يتفاعلوا معاه بشكل أكبر .. حاول تخلى محتواك دايما عبارة عن "ازاى المنتج أو الخدمة بتاعتك هتفيدهم فى حل مشكلة عندهم"
- مع بداية الاعلانات على الفيسبوك قلت نسبة الـ organic reach اللى بتتراوح ما بين 3 إلى 15 % من مُجمل الـ reach و بالتالى ده بيجبر أى بيزنس إنه يدفع للإعلانات عشان يوصل لعدد أكبر و مُحدد أكتر من الناس أو "Pay to Play" زى ما بيقولوا .
-اتبع قاعدة الـ 80-20 .. خلى 80% من محتواك inbound و 20% outbound بمعنى ان من بين كل 4 بوستات يكون فى بوست واحد إعلانى عن البراند و البيزنس و باقى البوستات تكون بتقدم قيمة و بتفيد الجمهور فى حل مشاكلهم و ده هيخليهم وقت مايحتاجوا يشتروا الخدمة أو المنتج هتكون انت أول خيار ليهم لأنهم استفادوا منك قبل كده و شافوا إنك أفضل حد يقدر يفيدهم فى النقطة دى .
-و انت بتـ outbound للبيزنس استخدم call-to-action واضحة و مباشرة , ده بيشجع الناس انها تستجيب للمحتوى و تاخد action سريع معاه .
-انشر بمعدل أقل .. بعض الناس بتعتقد إن زيادة عدد المشاركات فى اليوم هيأدى لزيادة التفاعل و ده اعتقاد خاطيء لأن كل ما قلت عدد البوستات و المشاركات على السوشيال ميديا كل ما بيزيد التفاعل معاها .. خلى مشاركاتك 2 أو 3 بالكتير يوميا عشان تتشاف و تاخد حقها فى التفاعل .

Share

Suggestions

Back to Top