الرئيسية / المقالات /
8929 مشاهدة23 فبراير 2017

إيه هى الـ Big Data؟ - STJEGYPT

إيه هى الـ Big Data؟ - STJEGYPT


خلونا نبدأ من الأول خالص عشان كل الناس تتخيل الصورة كاملة:

أول حاجة يعنى إيه Data أو بيانات؟
هى مجموعة من المعطيات، أو القيم واللى بتتجمع عن طريق التسجيل زى ما بيحصل فى شغل الـData Entry و الـData دى فى شكل منفرد أو مجرد ملهاش معنى أو أهمية حقيقية

طيب إيه فايدة الـData؟
إنها مع الوقت بتزيد وبنقدر بطرق الملاحظة والتحليل والمعالجة نحولها لمعلومات

إيه فايدة المعلومات؟
بتساعدنا فى عمليات إتخاذ القرار أو الـDecision Making

نرجع لموضوعنا، الـBig Data، من إسمها كده هى الـData اللى إتكلمنا عنها فوق ولكن بأحجام ضخمة، بس كده؟
لأ، الـData العادية بتتميز بإنها structured يعنى إنها بتتجمع فى هيئة محددة زى ملفات مثلا و ده طبعا بيشمل الـrelational database وهى البيانات اللى فيه بينها وبين بعضها علاقات وترابط وبيتم إستخدامها والإستفادة منها عن طريق حاجة إسمها Relational database management system (RDBMS) ومثال عليها هى قواعد بيانات زى Oracle, DB2, SQL Server, MySQL

إنما الـBig Data أصلا ظهرت عشان تحل مشكلة أكبر وهى الـUnstructured data وهى الـData اللى بتنشأ بشكل spontaneously أو عفوى وأكبر مثال على كده هى الـData اللى بتتجمع من الـSocial Media بتبقى نصوص على فيديو على صور، فا مينفعش تخزنها ولا تستفيد منها بإستخدام قواعد البيانات التقليدية

طيب، فيه أنواع Data تانية؟
أه، فيه الـSemi-structured data وهى بإختصار بيانات مش منظمة زى قواعد البيانات التقليدية فى جداول ولكن فى نفس الوقت بتحمل بعض الـMetadata أو الـDefinition واللى بيديها قابلية للمعالجة أكتر من الـRaw Data

طيب إمته نقول على الـData اللى عندنا Big؟ فى الأصل لما ينطبق عليها 5 حاجات رئيسية:
1- الـVolume أو كمية البيانات، فى العادى بتتقاس وحدة تخزين الـBig Data بالـTerabyte
2- الـVelocity وهى السرعة اللى بتتولد أو تنشأ بيها البيانات دى، زى مثلا المحتوى اللى بيتم إنشائه كل دقيقة على الـSocial Media
3- الـVariety وهى إن البيانات تكون different types أو متنوعة مش زى الـStructured Data
4- الـVeracity وهى مدى صحة البيانات دى
5- وأخر حاجة خالص هى الـValue أو القدرة على تحويل البيانات اللى جمعناها لحاجة مفيدة فعليًا زى تقارير وإحصائيات تساعدنا ناخد قرارات أفضل

Share

Suggestions

Back to Top