الرئيسية / المقالات /
12968 مشاهدة25 فبراير 2017

ايه موضوع شوهد من قبل | اغرب من الخيال - STJEGYPT

ايه موضوع شوهد من قبل | اغرب من الخيال - STJEGYPT


في بيدج نزلت السكرين دي و لاقيت ناس كتير مش عارفه الموضوع ده ايه و كنت كتبت بوست عنه ف قولت انزل البوست تاني
دي ظاهرة معروفة اسمها " Déjà vuu " كلمه بالفرنساوي معناها : شوهد من قبل .


و علماء نفس كتير اتكلموا عنها و اتألفت فيها كتب كتير
طب و دي تفسيرها ايه ؟؟؟ .. هقولك اهو
قرأت اكتر من تفسير للنظرية دي هقولهم كلهم
>>> احنا عارفين ان الضوء بيقع علي اي حاجه و بعدين ينعكس لعنينا ف نشوفها .. بعدين في جزء ف المخ بيعالج اللي العين شافته عشان يحصل ادراك و تحليل للي شافته فنفهم .. تمام ؟
قالك ان في عين بتبقي أسرع من التانيه في تسجيل اي حاجه بتشوفها ، فبعد لحظات من رؤيتنا للحاجه دي بنحس اننا شوفنها ده قبل كده ! و الواقع ان عين واحده اللي شافتها قبل كده و بعدين العين التانيه شافتها و فرق التوقيت اللحظي هو سبب الاحساس اللي بيجيلنا , نفس المفهوم اسقطه علي الاذنين ، في اذن بتسمع الجمله قبل التانيه و فرق التوقيت اللحظي ده بيخلينا نحس ان الجمله دي سمعتها قبل كده و تبقي متوقع الكلام اللي هيتقال بعد كده .
حد فاهم حاجه  .. مش مشكله
>>> قالك المخ بتاعنا ده عباره عن إوض .. كل أوضة ليها وظيفة ..
ف المفروض ايه اللي بيحصل بالظبط اما بنشوف حاجه ؟؟ بالترتيب كده
1- الصورة اللي بنشوفها بتتحول لاشارات
2- الاشارت بتتنقل لأول أوضه في المخ " visual centerr " فـ تتحول لصور بس
3- الصور بتتنقل لتاني أوضه في المخ " cognitive centerr " عشان نفهم و نستوعب الصور دي معناها ايه
4- بعد ما فهمنا الصور بتتنقل للذاكرة الموقته " قصيرة المدي "
5- و بعدين بتتنقل بعد فتره للذاكره الدائمة " طويلة المدي "
حلو اوي  ... اللي بيحصل بقي في الظاهره دي ايه ؟؟
بتيجي بقي صورة خبيثه بنت تيت كده تتسحب من المرحله رقم 22 للمرحله رقم 4 علي طول .. يعني مجرد ما تتحول لصورة تدخل في الذاكره من غير ما تعدي علي اوضه " cognitive center " .. اهو غلاسه كده
و بعدين يجي السكيوريتي يجيبها من أفاها و يوديها لأوضة الـ " cognitive " ف اما تدخل الاوضه و يتعمل معاها الجلاشه و نفهمها ... بنحس بايه ؟
ايوااا بنحس اننا شوفناها قبل كده .. عشان بنت التيت دخلت اتفسحت ف الذاكرة عندنا شويه ... وصلت ؟
>>> في بقي علماء قالك لا الخلل بيحصل بين المرحله رقم 4 و 5 ،
يعني الصوره دي بتتبعت بالغلط للذاكره الدائمة " طويلة المدي " الاول و بعدين اما بتتبعت للذاكره المؤقتة " قصيرة المدي " .. فـ بنحس بايه ؟؟؟
اننا شوفناها قبل كده او سمعنا الكلام ده قبل كده
توهتوا ولا لسه
>>> اخر تفسير انا كتبته ف الاخر لعدم اقتناعي بيه ، و هو تفسير باراسيكولوجي .. يعني تفسير غيبي
بيقول اننا بنشوف شريط حياتنا كله و احنا في الرحم و ده بيتسجل عندنا في الذاكره طويلة المدي .. و بعدين اما بنشوفه ف الحياه بنحس اننا شوفناه قبل كده .... بس يا سيدي

كتبه : أحمد عبد المنصف

Share

Suggestions

Back to Top