الرئيسية / المقالات /
12308 مشاهدة29 مارس 2017

برجر كينج تضرب ماكدونالدز بقوة و بذكاء في نفس الوقت - STJEGYPT

برجر كينج تضرب ماكدونالدز بقوة و بذكاء في نفس الوقت - STJEGYPT


في فتره ما قرر ماكدونالدز البراند الامريكي للبرجر انه يدخل السوق الانجليزي الي كان مسيطر عليه البراند البريطاني برجر كينج

المهم ماك و هو بيدور علي مكان كويس في لندن عشان يفتح اول فرع .. مالقاش مكان مناسب الا في الشارع الي فيه فرع برجر كينج الأكبر و الأشهر .. قصاده في وشه علي طول

ماك كان بيخطط انه يسرق طبعا شويه من زباين برجر كينج علي شويه من الزباين الي هتيجي علي حس البراند المعروف في العالم .. و بحسابات معقده قدر تقريبا يبقي متوقع الtraffic الي هيبقي عنده

الخبر لما وصل لمسئولي برجر كينج قلقوا طبعاً .. منافس قوي دخل السوق و جاي قدام أقوي فرع ليهم

لما سألوا الbrand manager هنعمل ايه في المصيبه دي ؟
نعمل عروض جديده ؟ او ننزل بساندوتشات جديده ؟
تفتكروا قالهم ايه ؟؟
فكروا قبل ما تشوفوا عمل ايه ؟!!

قالهم احنا هنقفل .. قالوله ايه ؟!! قالهم هنقفل لمده ١٥ يوم
يعني اول ١٥ يوم هيفتح فيهم ماك احنا هنقفل و هنورطهم .. !!

فعلا برجر كينج قفل لمده أسبوعين ..
و كانت النتيجه ان كل الزباين الي كانت بتقعد و بتروح برجر كينج و عليهم الناس الي جايه عشان ماك راحو هناك
عملوا ضغط رهيب علي الفرع الجديد .. خلي الخدمه تظهر سيئه جداً و أصناف كتير من الاكل بقت مش موجوده
ف الناس بقي انطباعها الأولي ان ماك الخدمه فيه مش كويسه و انه ساندوتشات كتير من الي بيسمعوا عنها مش موجوده

الناس بقت تقول يا ريت فرع برجر كينج يفتح تاني و ينقذنا من الفشل دا .. في حين ان ماك طلب ان يجيله كميات اكبر من الأكل عشان تسد احتياجات الضغط الزايد

الي حصل كمان انهم لبسوا الكميات الزياده دي لما برجر كينج رجع فتح و رجع اخد زباينه تاني : )
العبرة هنا مش السرعة العبرة بالتفكير الصح

Share

Suggestions






Popular Summer Training


Popular ScholarShips


Back to Top