إذا كنت طالب في كلية علوم (كيمياء، فيزياء، بيولوجي أو جيولوجيا)، فأكيد مر عليك الموقف ده: نازل تدور على تدريب صيفي، ترجع البيت محبط تقول "كل الشركات عايزة واسطة"، وتحس إن الدنيا ضدك!
لكن الحقيقة؟ الواسطة موجودة، بس كمان الفرص موجودة، والمرة دي الفرصة دي ليك إنت من غير واسطة!
في المقال ده هنقدملك دليل شامل لأهم وأضمن شركات وهيئات التدريب الصيفي، سواء كانت شركات بترول، معامل كيمياء، أو مراكز أبحاث، مع وصف دقيق لمكانها، طبيعة التدريب، وطرق الوصول ليها.
✅ أولاً: شركات بترول بتقبل طلبة علوم بسهولة
1. شركة بتروجلف مصر (بترول)المكان: المعادي
الوصول: مترو لمحطة ثكنات المعادي > سوزوكي للعرب
التدريب: أوفيس أو فيلد (خليج السويس) حسب الحظ
القبول: متاح لطلبة علوم، خاصة كيمياء وجيولوجيا
2. شركة شمال البحرية للبترول (نوربيتكو)
المكان: أمام كارفور المعادي
الوصول: مترو محطة الزهراء > سوزوكي لكارفور
التدريب: أسبوع أوفيس + أسبوع فيلد (الواحات)
القبول: مضمون وسهل
3. شركة الأمل للبترول (أمابيتكو)
المكان: مدينة نصر – الحي التاسع
الوصول: شارع أحمد حسن – قريب من منارة هليوبوليس
التدريب: أوفيس
✅ ثانياً: شركات صناعية وكيميائية بترحب بالتدريب
4. شركة الدهانات والصناعات الكيماوية (باكين)المكان: العبور
الوصول: المرج الجديدة > موقف العاشر > العبور
المميز: بتقبل أي حد، تدريب ممتاز لطلبة كيمياء
5. شركة القاهرة الكبرى لمياه الشرب
المكان: رمسيس – أمام مسجد الفتح
الوصول: مترو محطة الشهداء
نظام التدريب: توزعك على شركة مياه قريبة من منطقتك
6. شركة الحديد والصلب المصرية
المكان: التبين – حلوان
التدريب: فيلد في منجم الحديد
7. شركة أنابيب البترول
المكان: مسطرد – القليوبية
الوصول: شارع شركات البترول – بجوار الخزف الصيني
✅ ثالثاً: فرص مميزة للتدريب في معامل ومراكز أبحاث
8. شركة السكري لمناجم الذهبالمكان: سيدي جابر – الإسكندرية
الوصول: 3611 طريق الحرية – الدور 11
التدريب: فيلد في منجم السكري
ملحوظة: الأفضلية لطلبة علوم إسكندرية
9. مصلحة الكيمياء
المكان: 122 شارع رمسيس – أمام نقابة المحامين
فرصة ممتازة لطلبة الكيمياء
10. الهيئة القومية للاستشعار عن بعد (NARSS)
المكان: شارع جوزيف تيتو – النزهة الجديدة
الوصول: مترو المرج الجديدة > موقف العاشر > صلاح سالم
11. معهد بحوث البترول
المكان: بجوار شركة إنبي – مدينة نصر
الوصول: من العباسية > أول عباس العقاد
القبول: متاح لأي طالب حسب العدد
12. هيئة الطاقة الذرية
المكان: بجوار معهد بحوث البترول – نفس طريقة الوصول
13. الهيئة العامة للثروة المعدنية (المساحة الجيولوجية)
المكان: صلاح سالم – بجوار مسجد الرحمن الرحيم
الوصول: محطة العباسية > ميدان العباسية > عربية للسيدة عائشة
14. المركز القومي للبحوث
المكان: محطة مترو البحوث – الدقي
القبول: ممتاز لطلبة الكيمياء والبيولوجي
15. المعهد القومي للبحوث الفلكية (مرصد حلوان)
المكان: بجوار كلية الهندسة – جامعة حلوان
الوصول: محطة مترو حلوان – اسأل عن المكان بالضبط
🤔 طب واللي عايز يدخل شركات كبيرة بترول؟ محتاجة واسطة؟
أكيد، لكن ما يمنعش المحاولة.شركة إيست زيتكو (East Zeit Petroleum):
المكان: حدائق المعادي
الوصول: مترو + تاكسي (55 جنيه تقريبًا)
نصيحة: هتملي استمارة فيها خانة “Reference” (يعني مين وساطتك)، لو معندكش حد جوه، اعمل نفسك رايح الحمام، احفظ اسم من مكاتب الموظفين، واكتبه! ناس عملت كده واتقبلت فعلاً.
نفس السيناريو موجود في شركات زي (جابكو – رشيد – خالدة – قارون – الشركة العامة)
ممكن تتقبل لو قابلت حد من جوه عند البوابة واديتله الورق.
📝 نصائح ختامية لطلبة علوم وبالذات جيولوجيا:
ابدأ بدري: التقديم بيبدأ من شهر 4، وممكن تلاقي شركات قفلت طلبات التدريب من بدري.هات تقدير كويس: الكلية بتبعت الطلبة الأوائل للشركات العالمية، وده تدريب بيفرق فعلًا في الـ CV.
متعتمدش على الواسطة بس: الواسطة مش كل حاجة، وفي فرص كتير ممكن توصلها بالسعي.
