الجامعات في اروبا و الدول المتقدمة هناك غالية جداا و دايما الطرق ليها صعبة هو شروطها كتير فاغلب الناس اللي بتسافر دايما بتدي نصيحة دور علي الجامعات القوية بس مش مشهورة عشان بتكون طرق السفر ليها و الالتحاق بها اسهل شوية
ليا صديقة أوكرانية اقترحت عليا عرض موجود عندهم في الجامعة هناك انا شايفاه كويس اوي للي حابب يدرس برة و يقدر يتكفل بمصاريفه و كمان مستوي التعليم هناك زي الجامعات الاوروبية مفيش فرق و لكنه ارخص .
حيث ان اوكرانيا من ارخص عشر دول في التعليم في العالم و تقدر تعرف ده من
هنا ..
فقلت ليه يقف عندي ما غيري ممكن يستفاد منه افضل خاصة ان الجامعات الخاصة ومستوي المعيشة بقي عالي عندنا فلو اتحسبت هتطلع قريبة منها بالعكس انت مستفيد انك شهادتك اوروبية من جامعة مستوي تعليمها عالي .
ايه الموضوع بقي !
اولا الكلية اسمها Cherkasy state university في مدينة Cherkasy في أوكرانيا يا عومدة
هتقدر تدرس المجال اللي انت عاوزه او حابه هناك او حتي تعمل ماجستير او دكتوراه طب و مشكلة اللغة يافندم هما هناك مش عاوزين ان يكون الانجليزي بتاع بيرفيكت هما محتاجين بس تكون مبتديء او اكتر شوية لان هناك لازم هتاخد سنة تحضيرية تدرس لغة و رياضيات و ده اساسي عشان تساعدك تقدر تدرس بعد كدة اي مجال سواء طب او هندسة و ما الي ذلك .
بعد كدة بيكون معاك كتالوج لكل الجامعات في اوكرانيا سواء عاوز تكمل في ديه او تروح جامعة تانية
ايه اللي بيكون مطلوب منك لو انت مستعد ماديا و ناوي
1- الشهادة الثانوية مع بيان الدرجات ( لو مدخلتش جامعة هنا او مخلصتش و عاوز تسافر )
2- الشهادة الجامعية بالنسبة للدراسات العليا مع بيان الدرجات
3- جواز سفر
بيتم ارسالهم للجامعة و بتنتظر الموافقة .. اول ما بيتم الموافقة بتقوم صديقتي باجراء الدعوة وثم ارسالها لمصر عن طريق DHL و ده بياخد حوالي 15 يوم او اقل .
ثم يجي دورك انت بقي في انك تروح سفارة اوكرانيا و تقدم علي تأشيرة وباقي الاجراء وحجز الطيران و ما الي ذلك .
نيجي بقي للمهم
صديقتي ديه هتقدر تساعد في ايه هتخلص الاجراءات كلها اللي هناك مع الجامعة و السفارة و الدعوة و كله و هتبعت الدعوة ليك لمصر علي عنوانك و هتساعدك في ايجاد ارخص طيران من هنا لهناك ده الدور الاولاني لغاية ما انت تروح اوكرانيا بالسلامة و هناك بقي هتقابلها و هتوفرلك سكن جامعي رخيص و قريب من الجامعة ونضيف في حدود 400دولار في السنة او شقة لو مش حابب السكن الجامعي هيكون في حدود 200 دولار في الشهر وكله يرجعلك :)
ايه اللي انت هتدفعه مقابل كل الخدمات ده مبلغ 1100 دولار بيتم تحويلهم من البنك هنا لاوكرانيا
لكن لما بتسافر هناك بتدفع مصاريف الجامعة خلال 3 ايام وممكن تدفع علي قسطين واللي هي 1000دولار للسنة التحضيرية لكن مصارف السنين بعد كدة بتتوقف علي التخصص اللي هتختاره بس برضوا بتكون ارخص من دول كتير واخدة شهرة عالية و الاتنين نفس مستوي التعليم و ده لان اورانيا الظروف الاقتصادية فيها مش كويسة فابلتالي بتكون ارخص .
لو حد يعرف طلبة او شباب بيدوروا ممكن يقولهم علي الموضوع لو مناسبهم و يتواصلوا معايا و انا هوصلهم بصديقتي و هبقي متابعة معاهم و صدقتي حد ثقة جدا و جت مصر و قابلتها بنفسي و كمان الاوراق هتكون فيها اسمها و عنوانها و الدعوة باسمها فلو حصل اي حاجة نقدر نوصلها من السفارة او في المطار هناك ..
لو في حد عنده اسئلة او ناوي يسافر يتواصل معايا و انا هوصله بيها فكروا كويس بس ما تتاخروش عن اول شهر سبعة عشان الاجراءات بتاخد و قت و تلحقوا الترم من اوله .. وشكراا
كتبه :
أمنية زكي
