الرئيسية / المقالات /
8916 مشاهدة18 يوليو 2017

كيف تتعامل المرأة مع زوجها الذي يعمل لساعات طويلة - STJEGYPT

كيف تتعامل المرأة مع زوجها الذي يعمل لساعات طويلة - STJEGYPT


الرجل الى طبيعة شغله بيشتغل فترات طويلة و شغله مجهد للاعصاب و فيه درجات عالية من التوتر


دا محتاج نوعية خاصة من النساء


المرأة المستقلة الى بتعرف تعيش حياتها سعيدة من غير زوج فترات طويلة
و الى شاغلة وقتها بطموحاتها و اهدافها و حياتها ماشية من غيره عادى
و الى عندها قدرة كبيرة على العطاء بدون مقابل و لا تنظر منه كتير
و الى متفهمة طبيعة شغله و بتشجعه و بتدفعه لتحقيق طموحاته


يعنى فى الاوقات القليلة الى موجود معاها فى البيت تتعامل معاه كأنه ضيف عندها
تحتفى بوجوده و تتفهم تعبه و ارهاقه النفسى و الجسدى
و ما تبقاش حمل تقيل عليه على الأقل نفسيا


يعنى الساعتين الى هو قاعدهم فى البيت ماتعدش تقوله اعطنى حبا و حنانا
و انا عايزة و عايزة و عايزة
او تتجاهله تماما و لا كأنه موجود
او تكسر مآديفه ماتسيب الشغل
او انت بتعمل ايه يعنى


هو محتاج فى بيته يتحرر من مسئولياته بعض الوقت و يحس انه مرحب بيه


الزوج لما بيلاقى من مراته كدة
بيحاول يعوضها عاطفيا و نفسيا فى فترات الاجازات
و بيقضوا مع بعض اجازات ممتعة بتعيش على ذكراها اوقات انشغاله


الست لو مش هتقدر تتفهم طبيعة شغل جوزها و المعاناة الى هو فيها
و ازاى تحتمل الاوقات دى
و تقدر تكون الفراش المريح الوثير الى بيرتاح عليه نفسيا و جسديا


لا تنتظر فى الاجازات انه يكون المحب الودود الملهوف


اعط الحب و الاحتواء علشان تقدرى تلاقيه


و محدش يقولى طب هو ليه مايديش الاول


انت كأمرأة مخزونك العاطفى اكبر بكتير
و انت سعادتك فى انه يحبك ...
و لن تحصلى على حبه بدوام الزن و الطلبات العاطفية و هو مش قادر و يمكن مش عارف
و علشان تحصلى على ماتريدين لابد ان تقدمى مايريده هو


حبيبتى :


أكثر أوقات الراجل فيها بيحتاج لمراته اوقات عودته من الشغل
بيحس انه عامل زى الى راجع من معركة حامية الوطيس
تخيلى راجع بعد معركة مثخن بالجراح النفسية
و يلاقيكى نايمة
او مكشرة
او بتبصي له نظرات لوم و عتاب و زغر و غضب
او مستنياه بقائمة الطلبات
او بقائمة شكاوى من العيال
او العيال عاملين دوشة و البيت غير منظم و مرتب


هو عايز يحس انه هيرجع يرتااااح
مش عايز يشيل الهم اكتر


لما يحس بكدة هيقدر يعطيك فى اوقات الاجازات ماتريدين
او هيبقى عايز يعد معاك فى اوقات الفراغ مش يروح لاصحابه


د / دعاء راجح

Share

Suggestions

Back to Top