الرئيسية / المقالات /
9531 مشاهدة22 يوليو 2017

لو تنسيقك دخلك كلية هندسة , بين الحلم و الحقيقة - STJEGYPT

لو تنسيقك دخلك كلية هندسة , بين الحلم و الحقيقة - STJEGYPT


للناس اللي هتدخل هندسة جديد السنادى
إليكم قواعد الهندسة الى هى حلمك و الى هتكون جحيمك بعد اول اسبوع
1 - مبدأياً انسى إنك تشوف أرقام صحيحة تاني.
2 - لو داخلها عشان تعمل Iron man فأحب أقولك إنه ماينفعش يطير أصلاً.
3 - إعدادي أصعب سنتين في هندسة.
4 - هتضيع أقلام روترنج أكتر ماهتضيع وقت.
5 - البرجل أبو 5 جنيه هوا اللي هيسد معاك طول سبع سنين الكلية.
6 - أقسم بالله مش هترسم أحسن لو جبت مسطرة 120 أو 100 بدل الـ 80 بس لو ناوي على عمارة هاتها.
7 - شد بدرة روح عربد في صيدلة مثلاً بس متفونسش هتضيع نفسك.
8 - هتفهم رقم 7 لما تدخل.
9 - تبقى تجيب معاك سلوتب مش ضروري تشحته من أول سنة.
10 - دور جمب الكلية على أي بتاع فول واتصاحب عليه.
11 - ورشة السباكة هتعمل فيها سبايك مش هتسلك مواسير صرف صحي.
12 - تعالى على نفسك وذاكر إنتاج.
من 13 لـ 18 - متآمنش للدكاترة.
19 - لو اتعورت في درجات في الميدترم هتعوضها في الجنة مش في الفاينال.
20 - مافيش راجل بيعيط.
21 - في مكنة هتشوفها في إعدادي اسمها المقشطة أديني بقولك أهو عشان تلحق تضحك عالاسم بدل ماتضحك عليه قدام المعيد وتتطرد برة.
24 - المخرطة اللي هتشوفها دي حاجة واللي عندكم في المطبخ دي حاجة تانية وبالمناسبة فيها قطعة اسمها الزُمبة عشان ماتضحكش عليها في الورشة دي كمان.
22 - مافيش حاجة بتتلغي.
23 - الغياب بيتاخد في المحاضرة اللي انت هتغيب فيها.
24 - للمرة المليون متآمنش للدكاترة.
25 - حل على أد ماتقدر في الامتحان.
26 - محدش بيطلع إجابة زي التاني.
28 - لو طلعت كتلة بالسالب شيل السالب وخش عالمسألة اللي بعدها.
29 - لو نقصت 200 درجة هتجيب امتياز.
30 - الدكاترة هتقرطسك في المنهج من غير ماتحس زي ما اتقرطست في القاعدة رقم 27 كده بالظبط.
31 - المهندس لما بيتزنق بيـ Assume ولما بيتخنق بيـ Neglect ( هتفهمها مع الفونسة لما تخش ).
32- الأقسام بتخشها حسب رغبتك مش حادي بادي أو مع الشلة.
33- اه نسيت بلاش ونبي تيجي بالمسطره اول يوم 
35-واعرف ان اخر فرحة ليك هتبقى نتيجة الثانوية

 

Share

Suggestions

Back to Top