ماذا تعرف عن فن التضليل؟ فن التضليل .. ! فن بيتقنه أي ساحر و أي نصاب ، و أي سياسي محنك ، ازاي يجذب انتباهك لشئ معين عشان ياخد منك اللي هو عايزه او عشان ميخلكش تشوف حاجه معينه . وقف علي المسرح ، و طلب من شخص انه يطلع معاه ، و قال للجمهور اني هسرق الشخص اللي طالع ع المسرح ده من غير ما ياخد باله . و ده اللي حصل بالفعل :D عايزك تتخيل انك طالع مع واحد علي المسرح قدام جمهور و انت عارف انه هيقلبك و يسرقك و مع ذلك سرقك من غير ما تاخد بالك بردو !! أجمل و أمتع 9 دقايق شوفتها في تيد علي الإطلاق للرائع Apollo Robbins شافها اكتر من 12 مليون شخص .. في اخر الفيديو هتلاقي نفسك تنحت و بتقول ايه ده ازاي ده حصل و هترجع الفيديو تاني عشان تكتشف !! بس مش هنحرقلك الفيديو ادخل اتفرج انت :D بالمناسبة أبولو روبينز له برنامج مستقل اسمه ( ألعاب العقل ) علي ناشونال جيوغرافيك من البرامج اللي بتخليك مبرق و فاتح بوقك و مش مصدق يعني لو مشوفتهوش يبقي حرام عليك