الرئيسية / الكورسات / 4382 مشاهدة02 فبراير 2017

عمرك سألت نفسك ( ليه أتعلم PHP ) ؟ - STJEGYPT


عمرك سألت نفسك ( ليه أتعلم PHP ) ؟ - STJEGYPT
عمرك سألت نفسك ( ليه أتعلم PHP ) ؟

- بص بقى يا سيدى و ركز معايا فى البوست ده عشان #زتونة_الـPHP  تعرف ( ليه تتعلم PHP ) و الزاى تبقى ( مطور ويب ~ Web Devokoper ) ملو هدومك 
وتبداً بقي حياتك كـ Freelance web developer .. تشتغل من البيت اللى يريحك و تقبض بالدولار $$

******

- نتكلم الاول عن أيه هو الـ PHP :-

←الـ PHP يا كبير طبعاً كلنا عارفين أنها لغة برمجة . تقدر تقول من مواليد 1994  و أتشهرت و طلعت للناس فى الألفينات , و يعتبر 90% من الـ Devolopers الحالين بيستخدموها و طبعاً بتكملها لغة Html ( و ديه قصة تانية هنزلهالكم بعدين ) ^^

← طيب تعرف ان الـ PHP أطور بيها اكثر من 2 مليون Server و ما يقارب 240 مليون موقع ... ! و أشهرهم كمان ( Facebook.com , Yahoo , Wikipedia.com , Flicker .... الخ )
حاجات عاليه ها

******

- نيجى بقى لتانى نقطة و ندردش فى ميزات الـ PHP 

← أظن من أستخدامك للفيس بوك لاحظت أنها لغة سريعة التحميل لان اللغة ديه بتستخدم مساحة تخزين خاصة بيها ... يعنى أيه ؟ ... يعنى من الاخر ماشى بمبدء ( أشيل نفسى ولا حد يشلي جميله )

← و تانى ميزة أنك تقدر تقول أن معظم أدواتها و مستلزمتها Open Source كدة سداح مداح ^^ و ده طبعاً بيخليك توفر جامد لانها أقل تكلفة و لا تحتاج Crack ولا يحزنون

← يجى واحد بقى فاهم و دماغة عالية يقولى من غير تكلفه عاليه الزاى ... ! طيب و الهوست لوحده الى هيقسم ظهرى , أجولك يا جمييل  الى متعرفوش أنك كل الى محتاجة LINUX SERVER و هتشتغل عليه من غير ما تدفع و لا جنية زيادة نامى

← طيب بعد ما كبسنا صحبنا أبو فلوس ده بقى ^^ , أحب أقولك ان الـ PHP حلاوتها فى أنها متفرقش كتير عن ( خالتى فرنسا )  هاتلها أى حد هترغى معاه و تلاغيه  , بمعنى أنه رائع فى التواصل بأى DataBase
و يحبك قوى لو تربطه مع أكثر من واحده خاصاً MYSQL 

******

- طيب أبدء أتعلم PHP الزاى ؟ 

← اول سلمة فى الـ PHP هى أنك تتعلم تعمل SETUP للـ SERVER الى هتشتغل عليه .

← نطلع بقى للدور الاول  ... أيون يا عم هو الدور ده سلمه واحده , أول دورس بقى هتتعلم فى على الأقل الزاى تعمل صفحة بأستخدام لغة HTML .

← طيب و بعدين ... ! الى بعد كدة يا بطل أنك تاخد فكرة بسيطة عن قواعد البيانات و الزاى تعدل فيها

← طيب و بعد كدة تقولى هنعمل أيه أقولك حاول تبدع بقى ( اعمل صفحة تسجيل دخول بسيطة و أربطها بقواعد البيانات ) حات مشاريع OpenSource و عدل فيها و أعمل systems 

*****

- طيب أنا أقدر أوفرلك أيه عشان تتعلم ....
← بص يا حاج أنت و هو و هى ,زى ما أنتم عارفين أن مبقولش لحد يتعلم وأسيبه كده  لأ لازم أغرقة كورسات ودورات وبتقونه هي #الخلاصة  ديه بقي مجموعة من الكورسات الالكترونية الى ممكن تتفرج عليها و تفيدك جداً بأذن الله  , ركز فيهم بالترتيب :

← دى عشان تفهم الأساسيات وتزاكرها كويس
============================
www.php.net
http://www.w3schools.com/

← وهنا بقي عشان تتأسس صح 
===========================
- أول حاجة لازم تتأس صح لان الأساس هو الي هتبدء بيه عشان كده بنصح أي حد بكورس الـ PHP5 لـ Osama Mohamed

- تاني حاجة بقي بعد ما أتأسست وظبط نفسك أدخل علي كورس بشمهندسمحمد_يحي , في الكورس ده بردو بيبدأ معاك من ( أ, ب ) وهيكمل معاك لحد ما تربط بالـ MySQL

- كورس عربي للرائع Mohamed Saad من Udemy وعلي فكرة الكورس ده بشهادة

- كورس PHP Development من Udemyولو عندك مشكله في الإنجليش ف الأنجليش بتاع الراجله ده مش وحش وكمان في كتابه مصاحبه للكلام عشان لو حاجة وقعت منك

← انما دول عشان تطبق على اللى انت اتعلمته وتطور أكتر 
===========================

- إتعلمت بقي خلاص PHP أهو من مصدرين مختلفين ( عمالقة ) وظبط نفسك نيجي بقي لحبه أفكار كده بالدروس بتاعتها مجمعهلنا أسامة_الزيرو, أنفرج عليها من هنا وحاول تطبقها لوحدك

- كورس بناء منتدى (عربى) لعبد الله عيد

- كورس بناء موقع Ecommerce كده زي سوق والحاجات العاليه ديه

- كورس إنجليزي لبناء Social Network بسيطة جداً حاول تاخد منه الاساسيات بس لحد ما أظبطلك كورس عربي أقوي في كيفية بناء موقع زي الفيس بوك

← طيب أنا يا عم أنا بحب اتعلم من الكتب
==========================
مش هروش وأقولك قديم والشغل ده لأ بحترم جداً الناس الي بردو رفغم كل العلم الي في الفيديوهات لكنها متعوده علي كده متعوده أنها ترجع لكتاب ودول اكتريتهم دحيحة 
بس يلا ما علينا عشان نبقي لبينا جميع الرغبات في بوست واحد ;) ويا رب ينفعكم 

- ده كتاب من وادي التقنية أسمه ( تعلم البرمجة بلغة php ) الكتاب ده كفيل يخليك تفهم كل حاجة عن الـ PHP بس مفيش كتاب لوحده بيكون كفاية 

جاري أضافة المزيد من المصادر ...
===========================

شكراً لكل واحد فعلاً وصل لحد هنا فى قراءة المنشور لان ده معناه انك فعلاً عاوز تتعلم بحيك على كدة بجد  , ويا سلام لو أنت كمان تتفاعل وتنشر العلم لبقية الناس زكاة_ألعلم_تبليغه

كتبه : مصطفي خال

Share

Suggestions

Back to Top