الرئيسية / الكورسات / 3103 مشاهدة18 فبراير 2017

قواعد ادارة الموارد البشريه ومسئول هذه الاداره ال 40: - STJEGYPT


قواعد ادارة الموارد البشريه ومسئول هذه الاداره ال 40: - STJEGYPT
مجموعة قواعد مهمة و عملية جدا منقولة من ا. وفاء الطحان
قواعد ادارة الموارد البشريه ومسئول هذه الاداره ال 40:
1. اعرف خطة عمل الشركه وهيكلها الادارى والتنظيمى جيدا ثم بعد ذلك حدد اهداف الشركة بشكل واضح.
2. ابدا بعمل خطة استراتيجيه محدده للاداره ثم حلل كل وظيفه فى الشركه واكتبلها وصف واضح.
3. اعرف ازاى تصيد غزالتك (الاكفاء) بس فى المقابل لازم تعرف ازاى تقيد صيدك كويس علشان ما يهربش منك.
4. حدد لنفسك انت موجود ليه ثم بعد ذلك اخلق لنفسك براند واسم بتوعك يعيشوا فى السوق. فلذلك فحاول ان تلعبها صح وتحافظ على اسمك فى السوق.
5. لازم تعرف انك مش عصايه سحريه ومع ذلك لازم تكون مبتكر علشان تتميز فيها وتكون بذلك مرن.
6. انت مش بتعرف فن الكلام بس يجب عليك اتقان فن الافعال.
7. لازم تعمل حاجه لها تاثير وتغير من الاشياء حولك ثم بعد ذلك حاول ان تتعايش معها وبذلك فأي رساله بتخرج من شركتك من فم موظف غالبا بتباه بتاعتك.
8. حافظ على اسمك فى السوق وليس سعرك وذلك سيكون باختلافك عن غيرك فى تقديم ما يحتاجه الموظفيين والشركه وعلشان تحافظ على موظفيك, قدملهم حاجات مش هيلاقوها فى اى مكان اخر.
9. يجب ان تعرف ما هى نظرتك فى الحياه, وحدد لك مبادىء خاصه بيك واهداف.
10. اعرف كويس ان الموظف يبدا من عندك وينتهى من عندك ولذلك فانت واجهة الشركه امام الشركات الاخرى.
11. حاول ان تعشق المجال وتعمل دائما على تطوير نفسك.
12. مسئول الموارد البشريه مش فاضى ده بتاع شغل جبار.
13. الاداره هى عباره عن عين الميكروسكوب خارج الشركه وتعتبر داخليا هى الهيكل العصبى فى الشركه لها تشعبات داخل جميع الادارات ونواتها مسئول الاداره.
14. لازم تكون فاهم فى كل حاجه بنسبه كبيره سواء ادارات او تحليل شخصيات او صناعات.
15. اعرف ازاى تستثمر فى موظفيك وتاكد انك هتكسب منه ما دفعته.
16. ممكن يجيلك موظف بارع بدون اى مجهود منك بس علشان هوه ما عرفش يسوق لنفسه صح بس السؤال هنا هتعمل معاه ايه.
17. حاول تدور على الاكفاء من وسط السوشال ميديا ثم قم بتوفير ميزانيه سنويه للتدريب والتطوير.
18. متحاولش تلعب دور فى الشركه مش من مبادئك زى انك تنفذ اراء المدير دون ان يمس باى صله لمبادئ هذه الاداره.
19. اعتزر لمن لم تقبله فى الانترفيو ممكن تحتاجه بعد كده.
20. اسال نفسك انت بتحل مشاكلهم بعد اد ايه ولما بتحلها هل بتابع الحل لعدم تكرارها مره اخرى.
21. طور فكره جديده من الى درستها او ابتكر اسلوب جديد فى التطبيق واشتغل بايدك كويس هتتعلم اشياء جديده.
22. اتعلم انك تعتزر لغيرك ده مش هيضعفك ولكن هيعطيك ثقه اكبر فى نفسك, وبذلك تصبح قدوه لموظفيك.
23. تعرف على اتيكيت العمل.
24. نتائج اداء الموارد البشريه بتبان بعد فتره لذلك حاول تكون صبور وما تستسلم بسرعه.
25. لازم تثبت للمدير انك احسن اتش ار فى السوق.
26. لازم يكون معاك داتا تتميز بها عن غيرك.
27. ما تنسى تدلع موظفينك وساعتها انت إلي هتدلع.
28. مش شوية كلام لازم تعرف تخطط وتحلل وتلاحظ يعتبروا من اهم اداور الاتش ار.
29. لازم تدرس الماركت كويس علشان كده لازم تباه فاهم فى التسويق.
30. لازم تتعلم ازاى تباه زى المغناطيس تجزب كل شىء جديد او كفء حولك.
31. لازم تتكلم عن موظفينك وتحفزهم وبذلك سوف تعرف مميزاتهم ومواهب كل واحد فيهم بعد ذلك ستعرف هل انت قريب من موظفيك والعكس صحيح مما يؤدى الى اكتشاف طريقه للتعامل مع كل واحد منهم.
32. محتوى مخرجات اسئلة الانترفيو هوه ما يميزك عن غيرك.
33. العب مع موظفيك بافكار جديده عبر الايميلات وصبح عليهم من فتره لاخرى بمعلومه جديده.
34. حاول تكون مرن فى تنفيذ اللوائح مع المواهب.
35. استخدم برنامج الفيزو والاكسيل باحتراف وطور من نفسك فى استخدام برنامج الساب والاوركل.
36. اعمل مسابقات من وقت لاخر لتكسر الملل والروتين وخلى بالك من اعياد ومناسبات الموظفيين لانهم بنأدمين من وقت لاخر ولكن على ان لا يصبح ذلك روتينى.
37. حط نفسك مكان الموظف علشان تعرف تعيش وسطيهم وتحس بيهم, واوعى توعد موظفينك بحاجه مش متاكد منها او انت مش هتقدر تنفذها.
38. ابدأ اشتغل من اليوم ولا تؤجل عمل اليوم الى الغد, فاذا بدأت المهمه فقد انجذت نصفها.
39. اترك مساحه لموظفيك فى حل مشاكلهم عن طريق سماع اقتراحاتهم فغالبا ما تجد الحل عندهم.
40. واخيرا ما تنسى تخش برجلك اليميين وانت رايح تعمل الانترفيو يمكن يكون ليك نصيب فيها قول يارب, بس خليك عارف ان الالات والنظام هيحل محل البشر الفتره الجايه فاعرف انت هتعمل ايه من دلوقتى.
بس خلاص.................



Share

Suggestions

Back to Top