لو انت مقدم على ماستر English واحده من اهم شروط الاختيار انه يكون معاك لغه... وعشان تثبت انك كويس فى اللغه قدامك حاجه من الاتنين ...
1-تثبت انك كنت فى كلية الدراسه بتاعتك فيها بالانجلش او انك كنت بتدرس فى بلد لغتها الرئيسيه الانجليزى ..
2- انك تمتحن امتحان اثبات لغه وهو فى امتحانات كتير معترف بيها بس اشهر اتنين
- toefl -Ielts
و تحت هحكى ازاى ذاكرت للايلتس لانه كان بالنسبه لى افضل و اسهل فالمذاكره
اولا امتحان الايلتس او ال IELTS بيبقى فيه منه نوعين
-Academic -General
-الاكاديمك للغرض الاكاديمى اللى زى المنح والدراسه وبعض انواع ال
وظائف بتطلبها
-الجنرال ده لغرض الهجره او لو مسافر ندوه عامه اى حاجه مش اكاديميه
ايه الفرق بينهم؟
الاتنين واحد و نفس الامتحان بالظبط بيختلف فال writing AND Reading بس. يعنى اللى هيتدرب على ده هيتدرب على ده
**انا هتكلم على الاكاديميك اللى تجربتى كانت فيه
مراكز الامتحانات المعتمده هما ال British council و الIDP الاتنين معتمدين وكويسين وبيدوا نفس الشهاده ,.. بس ال IDP ارخص من ال British council شويه صغيرين.
خلينا نمسكها مرحله مرحله لما تقدم لازم يكون معاك صورة باسبور او بطاقه شخصيه ويستحسن الباسبور ولما تسجل تسجل بنفس الاسم عشان لما تطلع الشهاده يبقى نفس الاسم وميعملكش مشاكل عشان تثبت ان الاتنين يخصوا نفس الشخص
ممكن تدفع اونلاين او بيديلك سماحيه انك تدفع بنفسك فى المركز خلال 3 ايام من الحجز اونلاين او انك تعمل حواله
بنكيه
بتحاول تحجز قبل الميعاد اللى عايزه بمده عشان الاماكن بتتملى بسرعه ومش هتلاقى اللى انت عايزه..فمتصحاش الصبح تقول خلاص انا همتحن الاسبوع اللى جاى هتمتحن بس فى البيت ..اهم حاجه النيه
الامتحان بقى فى يومه تروح بالباسبور عشان بيطلبوا منك بتروح قبل الميعاد بنص ساعه عشان بتتصور وبيرتبوا مكانك و كده
-ندخل بقى على المهم الامتحان
الامتحان بيكون من4 modules
اربع اقسام Listening السماع وReading القراءة و Writingال
كتابة Speaking المحادثة.
اولا: ال Listening
و مده الامتحان 45 دقيقه وبتاخد 5 دقايق بتنقل الاجابات فى ورقة الاجابات ..ده بيبقى نظام انه متقسم ال 4 sections بتبدئ سهله وكل ما انت ماشى بتصعب شويه ...ازاى.. اقولك ؟
يعنى section1 مثلا 10 اسئله بيسيبك كل 3 اسئله تقرا الاسئله ويكمل كلام بعد كده كل شويه هتلاقى بقى كل 5 اسئله
لحد ما توصل ل section 4 هتحله كله مره واحده من غير فواصل
انواع الاسئله اللى ممكن تيجى فيه :
Form Completion-Matching-Multip le Choice Questions- Labelling a Diagram Plan or Map-Short Answer Questions-Table Completion-Sentence Completion
---------
بتذاكر ازاى احسن طريقه وافضل طريقه مقسومه لنصفين
الاول
كورس edx واللى هحط اللينك بتاعه مره واحده تحت و ده هيمسكلك كل نوعية سؤال من اسئلة الامتحان ويقولك بتتحل ازاى وازاى تجيب فيها سكور عالى انا اعتمدت عليه بشكل اساسى و فرق معايا بشكل قوى وخلانى مش مستغرب لما جيت احل امتحان
- ولازم واساسى تطبق بعد ما تخلص جزء ال listening فى ال
كورس تمسك امتحانات Cambridge tests ودى امتحانات بتنزلها كامبريدج اللى بتعمل الامتحانات واللى بتبقى امتحانات سنوات قبل كده مجمعينها هتحل منها ...هو نزل منها 11 اصدار لحد دلوقتى يفضل لما تبدا تبدا بالاحدث 11 وترجع لوراء لانى الاسلوب الامتحان تغير شويه عن زمان فخليك فالاحدث احسن ..لازم تحل فالاول هتلاقى الدنيا صعبه وبتتعب بس كل ما تحل اكتر هتلاقى الدنيا سهله باذن الله ...
ملحوظتين :
- اى كلمه هت
كتبه غلط او اسم انت عملته فعل او صفه بيطير النقطه خالص فال spelling مهم جدا
-وانت بتحل تحل وتحط قدامك ساعه عشان تحل فى نفس الوقت بتاع الامتحان لان الامتحان صعوبته فانك تخلص فالوقت المزنوق بتاعه مش قد ما انك تحل فى حد ذاته.
المهمه التانيه اسمع افلام اجنبى واذاعات وراديو بس British accent عشان تتعود عليها بس
حقيقى هتفرق معاك وهتخليك كلمات انت فاكر نفسك بتنطقها صح تعدل كلامك فيها.
ثانيا: Reading
وده الوحش الكبير
انا كنت فاكره سهل فالبدايه بس كل ما كنت اتعمق اكتشف انه ازمه... ازمه فى ناحية الوقت انهم بيبقوا تلات قطع كل واحده اصعب من اللى وراها ..طول ما انت ماشى بتقول انا ايه اللى جبنى هنا وبتبقى عايز تمشى
هى مش بتتحل بنظام انك تقرا القطعه وتحل لو عملت كده شكرا مش هتحل غير واحده وهتمشى و مش هتتحل بانك تشوف السؤال فين وتحط خط سطر ونص بعدها وتنقله زى الثانويه العامه
بتبص على السؤال وتشوف الKEYWORDS اللى فيه بتحط تحتها خط وبتمسح القطعه بعينك بسرعه بتدورعلى الكلمتين جنب بعض تقراه بسرعه وتحل السؤال ...يعنى انت ممكن تحل كل اسئلة القطعه كلها من غير ما تكون قريت القطعه بشكل كامل لانك بتدور بعينك وتقرا وتجاوب ده لو عايز تخلص قبل الوقت ما يخلص ...ده لو عايز يعنى
التلات قطع يتحلوا فى 60 دقيقه ..فتظبط نفسك فى الوقت عليهم
نوعيات الاسئله بتكون :
Sentence Completion- Short Answer Questions- Global Multiple Choice Questions-Locating Information- Multiple Choice-Labelling a Diagram-True, False, Not Given-Yes, No, Not Given-Matchingز
--------
بتقتل الوحش ازاى قصدى بتذاكر الريدينج ازاى ...برضه edx الاختراع يا اخوانا مقسم كل نوعية سؤال من دول وبيقولك تتحل ازاى وتجيب سكور عالى فيها ازاى
بتسمع الفيديوهات بتاعته ومتستناش تحل على طول فى كامبريدج وحل على قد ما تقدر والوقت الوقت لان الساعه دى بكل اللى عدى واللى جاى ...
فحل وشوف الاجابات من وراء وصحح لنفسك وشوق هاخد سكور كام
تمرين اثرائى ليك انك تحاول تقرا روايه بالانجليزى رساله
ماجستير اى حاجه تكسر رهبةالقرايه وتعود عينك
الحاجات اللى جاتنى فى الامتحان كانت
نوعيات المديرين و طرق ادارتهم - الحياه الاجتماعيه للشمبانزى #متعلقش خالص
- والاخير كان الصراع الادبى من حيث الاسلوب بين الادباء الانجليز وده كان فى شوية اسماء وناس بتتخانق مع بعض لما كان نفسى حد ينزل يصلحهم ويريحنى انا بدل ما السكور بيروح
ثالثا:Writing
وده الصامت القاتل اللى انت بتبقى عارف هتعمل فيه ايه و عارف ت
كتب :D
وده اللى وانت قبل ما تبدا بتبقى خايف منه ومش عارف تبدا من فين بس بعد ما تبدا فيه و تعرف طريقته تلاقيه سهل ... متخفش منه تدخل تحل ..تطلع متلاقيش السكور اللى انت عايزه
لانه بيبقى التصحيح فيه معتمد على حاجات كتير انت لازم تراعيها زى ال Tenses انى لوالموضوع فالماضى يبقى انت تتكلم فى الماضى مش فى المضارع وال punctuation , spelling وترابط الموضوع انك تكون غطيت كل حاجه هو عايز يتكلم عنها ان الموضوع يبقى متقسم فقرات وحاجات زى كده تانى.
الامتحان مدته 60 دقيقه حياه.. مقسوم ل 2 tasks
الاولى عباره عن انه بيجبلك احصائيات او خريطه او جداول ويقولك اتكلملى عن اللى موجود قدامك .. فانت بتشوف اللى قدامك وتتكلم عنه فى 150 كلمه فانت لازم تظبط نفسك انك متقلش عن كده
طريقه انا كنت بعملها عشان مش هقعد اقعد فالامتحان كلمات انا ب
كتب سطرين واشوف ب
كتب كم كلمه فى السطر وعلى اساسها بحسب كم سطر بقيلى اسهل وزود عليه كم واحد احتياطى ..
ومتبديش رايك انت هنا بت
كتب اللى شايفه بس
تالت ملحوظه مت
كتبش كل حاجه شايفها خليك راجل ناقد يعنى ا
كتب التغيرات الواضحه يعنى انا كان جايلى فى الامتحان انتاج دول للموز ..اه موز .. فانت بتشوف دوله انتاجها زاد وبعد كده فتقول عليها اكبر دول فى انتاج الموز ..اقل دوله ..دوله انتاجها قليل وزاد بشكل ملحوظ وهكذا
ال task 2
وده عباره عن انه بيجبلك موضوع تتكلم عنه ف250 كلمه ده اكبر بقى و مسموحلك انك تتكلم من عندك وتبدى رايك برضه المثال اللى جالى انت شايف انى مساعده بعض الدول للدول الناميه حاجه حلوه و لا وحشه مع ابداء الاسباب
فانت هتتكلم واقول انا شايف كذا كذا وكذا
----------
ازاى اذاكر بقى
هنا قبل ما تبدا ت
كتب هتسمع
كورس بتاع مدربه اسمه Jenifer دى هت
شرح شرح مفصل لل punctuation
شرح اكتر من رائع وفى النص هت
شرحلك ازاى تكون جمله صحيحه و قواعدها مظبوطه ..خليك معاها لحد الاخر لانها بت
شرح باستفاضه بس الاستفاضه دى هتفيض عليك فالاخر وتبقى كويس جدا ...وده اللينك بتاعها
من هناخلصت ابدا فى
كورس edx اسمعه كويس
بعد كده بص فى اجابات بتاعت ناس ال band score بتاعهم 7 وانت طالع عشان تكون كويسه وحاول تستشف منها بيكون جمل معقده ازاى وكلمات جديده بص شويه .. وبعد كده توكل على الله وا
كتب بنفسك ... هتلاقى الموضوع سهل جدا ان شاء الله ...
------------------------
ال Speaking
وده الحلاوه بتاعت الامتحان كله حلو جدا مش صعب بس انت اتعود وخليك قلب جرئ ...هو مدته 15 دقيقه بس هتاخد بالك قبل الامتحان بكم يوم هيحدد ميعاد للامتحان لانه ممكن يكون يومقبل باقى الامتحانات او فى نفس اليوم فانت اتاكد بس من ميعادك هيتبعتلكSMS او EMAIL
الجزء الاول :بيسالك اسمك ايه وبتستغل ايه وجى تمتحن ليه..يعنى بس كده عشان تفك وتبقى مستريح و دى اسئلة هى هى مش بيغيروا اتعود عليهم بس هتلاقيهم من غير تغيير يذكر
الجزء التانى: بيبقى ده ال main core انه بيجيبلك cue card ورقه فيها 3 اسئله وانت تجاوب عليهم فى خلال 2-3 دقايق من غير ما تقطع وده حاول تتكلم اى حاجه بس متخلصش قبل الوقت لحد ما هو يقولك كفايه
انا جالى فيها اتكلم عن وجبة تحبها وبتحب تاكلها مع مين و بتعرف تعملها ولا لا وبتحبها ليه
والجزء التالت بقى هو بيسالك اسئله عميقه بقى تخص الموضوع ده كم سؤال تجاوبهم وتروح بعد كده
زى مثلا سالنى ..
تفتكر ان اسلوب الاكل والمطاعم هيتغير فى المستقبل ..طب تفتكر ان الحضاره بتغيير فى نوعيةالاكل بتاع الشعوب .. طب المستوى المادى ازاى بياثر على نوعية اختيارك للاكل ..طب انت بتعرف المصرى ازاى وهو بياكل ..مش هاقولكوا انا جاوبت ايه
-----------
يتذاكر ازاى برضه
هتلاقى هنا فى ال
موقع ده شويه Cue cards حلوين جاوبهم مع نفسك وانت قاعد وفى خلال الدقيقتين ..ملاحظه انا وكل زمايلى اللى امتحنوا معايا لما سالتهم كانوا من نفس الحاجات دى بالظبط ... وده دليل على انهم بيتكرروا فحلهم رجاءا ..
http://www.ielts-mentor.com/cue-card-sample وبعد كده طبعا تتفرج على edx
وتحل امتحانات فى كامبريدج
------------------------
اخيرا انت هتذاكر لحد ما تحس انك انت لما بتحل بتوصل للسكور اللى انت عايزه بتقول بس تمام
يعنى انت بعد ما تخلص كل جزء لوحده هتحل امتحان كامل فى الوقت المحدد وتشوف اسكور بتاعك اتظبط ولا لا .. وتحجز على اقرب وقت او انك تحجز وتزنق نفسك على الوقت ده وهتخلص اكيد ان شاء الله
--------------بتحسب ازاى ال bans score لما بتحل
يعنى انت مثلا فى ال listening حليت 30 من 40 صح هتروح رايح على ال
موقع اللى تحت ده وت
كتبله 30 هيقولك انت كده مثلا جبت سكور 7 فتعرف بقى انت جبت سكور كام
https://www.examenglish.com/ لو شوفت اللى فات وانت مجهز انك تدخل تحل امتحانات ادخل الاول قبل ما تبدا على ال
موقع ده ENGVID فيه فيديوهات بيدولك الزتونه من كل براميل الزتون اللى فى العالم كله على الامتحان وازى تعدى منه كده
https://www.engvid.com/english-exams/ielts/ ملحوظه دول مش اساسين دول لو خلصت بدرى ذاكرهم ..هتلاقى فيهم حاجات متكرره من اللى ذاكرته قبل كده بس ممكن يضفلك كم معلومه كويسين
--------------
النتيجه بتظهر فى خلال 13 يوم من الامتحان والشهاده بعدها باسبوع ممكن تستلمها او ممكن يبعتوها لحد عندك بس هتاخد اسبوع تانى انت بتحدد كده وانت فالامتحان بتقولهم
------------
وتوكل على الله كده وابدا مذاكره وخصص لنفسك كم ساعه فاليوم وذاكر هتلاقى الدنيا سهله و من غير
كورساتاللينكات المهمه :
-
كورس edx طبعا :
من هنا-امتحانات The Official Cambridge test To IELTS
Link :
http://ieltsonlinetests.com/catalogue -ال
موقع ده استاذ جدا هتلاقى فيه قطع writing,reading and cue cards كويسين جدا وكان مصدرى الاساسى انى اشوف امثله كويسه
من هناموقع متتوهش نفسك وتدور على داتا تانى دول اكتر من اللازم وهيخلوك اكتر من رائع..كل ما تعمل داونلود اكتر هتشتت اكتر ومش هتخلص ..ركز على دول هتلاقى نفسك اول ما بتبدا ماشى كويس و مش محتاج من غيرهم .. وهتدعيلى .. او انت هتدعيلى فى الحالتين ان شاء الله يعنى ..ومعلش طولت عليكم
تجربة الرائع |
محمد حمدي