الرئيسية / الكورسات / 3276 مشاهدة09 ديسمبر 2016

الدليل الشامل لـ الكورسات الأونلاين فى "المعلوماتية الحيوية" Bioinformatics - STJEGYPT


الدليل الشامل لـ الكورسات الأونلاين فى
هنا هحاول أوضح أزاى تبقى متخصص فى المعلوماتية الحيوية عن طريق الكورسات الاونلاين
أغلب الكلام عن تجربة شخصية

الأول : أيه هيا المعلوماتية الحيوية؟
عارف الناس اللى بتعقد تحلل و تعلق على ماتشات الكورة و تعمل توقعات .. فى ناس برده بتعمل نفس الموضوع فى الهندسة الوراثية
و زى محللين الكورة مش شرط يبقوا لاعبية قبل كده .. مش شرط برده يبقى اللى شغال ك Bioinformatician خريج كلية طبية
لأنه مجال interdisciplinary  يعنى بيجمع تخصصات كتير ..


ده من ضمن المجالات اللى بتجمع الأحصاء و الرياضيات و علوم الكمبيوتر مع علوم الهندسة الوراثية :D
ما تتصدمش .. بس الأمور  أسهل من كده

قبل ما تشوف المتطلبات للمجال ده ..شوف أول فيديوبالعربى عن المجال



وقبل ما تبدى فى الكورسات الأونلاين سجل اللينك ده عنك بوكمارك

دول مجموعة فيديوهات ل د/أحمد الظهيرى من الهندسة الوراثية ﻷكثر امور البيوانفورماتكس تعقيدا

علطول اللى ماتفهموش من اى MOOC ارجع شوف الشرح العربى ليه هنا

ثانيا : أيه المطلوب قبل ما تبدى فى مذاكرة المجال ده ؟

على حسب أنتا خلفيتك العلمية أيه ..
1-لو طالب كلية طبية و معندكش خلفية كويسة فى الهندسة الوراثية : 
يبقى لازم تبدى بالكورس ده من موقع خان أكاديمى .. ميزة الكورس ده انه سهل و موجه لأى فئة
هتحتاج تبدى من ال DNA ل DNA technology
https://www.khanacademy.org/test-prep/mcat/biomolecules

باقى  مجموعات الفيدوهات مش محتاج تشوفها 
 

لو ما فهمتش .. شوية الفيديوهات ديه ل Bozeman على اليوتيوب و هو من الناس العظيمة  اللى بيشرح فى كل مجالات العلوم الاساسية
https://www.youtube.com/playlist?list=PL0B4CED0AB112B993

بس أبتدى من الفيديو رقم 13 ل 15 .. بس ارجع لخان اكاديمى عشان هو الاساس

2- لو أنتا طالب أو خريج كلية طبية و كويس فى الهندسة الوراثية
يبقى أنتا كده فى السليم و ممكن تشوف شوية فيديوهات فى ال Genomics 
أو تأخد كورس genomics من Coursera 

3- لو أنتا طالب أو خريج كلية طبية : مش هقولك المجال سهل أو صعب  ليك
هقولك بس أن اغلب اللى أسسوا المعلوماتية الحيوية .. كانوا Mechanical Engineer أو Software Developer
المهم : هتضيف للى قولته فى رقم 1 
كورس لخان اكاديمى عام فى الوراثة 
https://www.khanacademy.org/science/biology/her


ثالثا: 
أقرأ أهم المصطلحات اللى ممكن تقابلك فى المجال ده  خدها بس قراءة على السريع :
http://www.bioinformaticsweb.net/glossary.html


كده أنتا أهلت نفسك بنفسك أنك تبدى  فى المعلوماتية الحيوية ^_^

الخطوة المهمة دلوقتى : 

كورس Bioinformatics method 1 من Coursera 

https://www.coursera.org/learn/bioinformatics-methods-1/outline






ميزة الكورس ده أنك ممكن تأخد فيه شهادة عادية statement of accomplishment أو شهادة معتمدة verified certificate

طريقة الشهادة المعتمدة فى أول لينك

كمان الميزة التانية أن الكورس مش مرتبط بوقت معين عشان تخلص الا فى حالة الشهادة المعتمدة لأن الكورس Self paced

-

بعد الكورس لو خلصته

هنا المفروض توقف و تسأل نفسك :

هل عاوز المعلوماتية الحيوية بشكل عام عشان يفيدك فى شغلك ك Microbiologist أو أى من مجالات ال biology 

و لا عاوز تتخصص فى المجال ده




لو عاوز الموضوع عشان يفيدك عامة فى شغلك ك Biologist يبقى ممكن توقف هنا

لو عاوز تتخصص عشان  عايز تتطور فى المعلوماتية الحيوية.. يبقى هتحتاج متطلبات زيادة




المتطلبات الزيادة هيا statistics و Linear algebra و Programming





لو عنك شوية متطلبات منهم تقدر تكمل فى الكورس التانى من كورسير  Bioinformatics method 2

https://www.coursera.org/learn/bioinformatics-methods-2/outline

Share

Suggestions

Back to Top