فنلندا قررت تلغي المواد الدراسية تمامًا من المدارس بتاعتها، وهتبدأ في تطبيق نظام جديد بيعتمد على المواضيع الكاملة.
فبدل من حصة الفيزياء بعدها حصة الكيمياء بعدها حصة الرياضيات بعدها حصة التاريخ، هتبدأ المدارس الفنلندية تطبق النظام الجديد وتنزل واحد موضوع شامل كل ده.
هيدرس الطلاب الأحداث والظواهر من جوانب متعددة، مثلًا: الحرب العالمية الثانية. هيدرسوها من وجهة نظر التاريخ والجغرافيا والرياضيات، وفي دورة "قارات العالم" يتعلم الطلاب معارف معقّدة حول اللغة الإنكليزية والاقتصاد ومهارات الاتصال. وهكذا.
ومتاح للطالب اختيار النموذج اللي عايز يشتغل عليه وشايف إنه هيحقق فيه أكبر نسبة نجاح، وبالتالي مش هيضطر يدرس مواد بدون أي فايدة تعود عليه في حياته من دراستها.
وهيوفر ساعات كتير للطالب يقتطعها من المواد الغير راغب فيها للنموذج اللي اختاره وشايف إنه هيبدع فيه.
مش بس كده، نظام التعليم في فنلندا من أفضل أنظمة التعليم في العالم ومع ذلك ما اكتفوش بده وبيحاولو يطوروه من خلال وضع النظام الجديد علشان يتوافق مع القرن الواحد والعشرين بدل من النظام القديم المحطوط من سنة 1990.
معلومات تانية عن التعليم في فنلندا:
فنلندا لما بدأت اختارت المعلمّ صح، فمعلم المرحلة الثانوية لابد أن يحصل على ماجستير كحد أدنى (أو دكتوراة) وبيدخل في اختبارات معقدة لحد ما يتم قبوله لدرجة إنهم من بين كل 100 مدرس متقدم بيقبلو 11 بس.
أقصى عدد للطلاب في الحضانة 12 طالب وفي المراحل التانية 25 طالب.
أقصى عدد لساعات التعلم للطالب 3 ساعات، والباقي أنشطة ترفيهية وخدمية.
مفيش زيّ موحد للطلاب.
التعليم مجاني، ووجبات الطعام مجانية، وأي طالب تبعد مدرسته 3 كم عن منزله توفر له الدولة وسيلة مواصلات أو سفر مجانية.
