AD1
الرئيسية / المقالات /
13463 مشاهدة12 مارس 2017

أفضل الطرق للعمل من البيت و بالشرح المفصل - STJEGYPT

أفضل الطرق للعمل من البيت و بالشرح المفصل - STJEGYPT

كنز رقم 1 

سمعت قبل كده عن حاجة اسمها العمل من بيتك

الموضوع بسيييط و مهم اوي

https://www.odesk.com/ 

أنا هشرح على مثال صغير لإعلان على الموقع ( فى الصورة دى )

فى الإعلان الصغير ده 



عنوان الوظيفة : Need experienced English to Arabic translation for marketing brochure
Fixed Price Project - Est. Budget 30.00$- Posted 1 day ago

و ال Job description

We need a person who can translate our business document(s)(Marketing Brochure(s) of 1500 words) into Arabic. We have already finalized the text in English.


على اليمين مكتوب معلومات عن صاحب العمل و جنسيته إلخ..

------------------------------------------------------------

ده مثال لإعلان بسيط صاحب العمل ألمانى و عاوز شخص يترجم كتالوج تسويق خاص بشركته من أنجلش لعربى فيه 1500 كلمة و مش عاوز اللى يختاره يستخدم Google علشان يترجم

Estimated budget ميزانيته هى 30 دولار أمريكى علشان تترجم الكلمات دى و عاوزك تخلص الترجمة قبل يوم 4 يناير 2014 زى ما مكتوب على اليمين.

هقدم أنا و أنت من مصر ،، و هيقدم شباب عربى من كل حته فى الأردن و عمان و الكويت و غيره ،، و اللى أكيد عنده خبرة و بروفايله فى نماذج ترجمة و اللى هيعدى الأنترفيو هو اللى هيفوز بالشغلانة دى و هيخلصها فى الميعاد المحدد و هياخد الفلوس بتاعتها ال 30 دولار


طيب يعنى ايه Fixed price ؟
شوف كل الوظائف المعروضة على الموقع ده هتلاقيها نوعين
أما Fixed Price Job زى اللى فى الإعلان ده و دى بتتدفعلك أول ما بتخلص شغل مع الراجل و بتوصل الشغل فى الميعاد المحدد.
أو Hourly Jobs و دى من اسمها أنت تشتغل على الكمبيوتر بعدد ساعات معين و بيحسبها الموقع ببرنامج اسمه Tracker و بتكون Guaranteed Paid فالموقع بيحسب أنت قعدت قد ايه قدام الكمبيوتر علشان تخلص الترجمة و بياخد Screenshots بيبعتها لصاحب العمل. و لكن فى ال Fixed Price أنت مطلوب منك تخلص الشغل فى وقت معين و بالتالى مش محتاج برنامج يحسب عدد ساعات عملك.


طيب أنا هقدم أزاى ؟
بتعمل أكونت على الموقع زى ما هنشرح و بتبتدى تقدم على الوظيفة من Apply for this job و بتنتظر صاحب العمل يكلمك لو كانت interested فى انه يشتغل معاك

طيب يعنى أنا هفضل مستنى ؟؟!
عموماً الموقع بيسمحلك ب 20 Application تقدر تبعتها ل 20 وظيفة مختلفة و أنت تقدر ت withdraw your application فى أى وقت.
بالنسبة لوظيفة الترجمة دى تحديداً أنت متقدرش تكلم صاحب العمل إلا لما يوافق عليك أو يطلب منك بياناتك علشان أنترفيو

حلو الراجل اختارنى من بين الناس و أنا اشتغلت و خلصت شغل ،، هاخد فلوسى ازاى ؟

الموقع بيسمحك تقدم على Debit Card من شركة اسمها Payoneer بيكون مجانى طبعاً و المفروض يجيلك على عنوان بيتك بعد شهر و تقدر تسحب فلوسك من أى ATM فى مصر

بس ؟!
لأ - لو عندك Paypal يقدر يبعتلك الفلوس عليه
أو حساب فى بنك فى مصر بس بيبقى أكيد غالى فى ال Transaction fees نفسها.


جميل طيب ممكن أشتغل أكتر من شغلانة فى وقت واحد ؟
أكيد مفيش حاجه بتمنعك طالما أنت ملتزم فى شغلك..

طيب ايه اللى هيحصل يعنى لما ما أشتغلش كويس ؟
بعد كل شغلانة أنت وصاحب العمل بتكتبوا Feedback عن بعض.
أنت هتقول رأيك فيه و تديله Rating زى ما هو هيعمل
و ممكن يكتب فيك كلام مش حلو لو بتقدم فى شغل تانى ممكن ميعجبش صاحب شغل تانى.

كويس ،، طيب ترجمة بس ؟!!
قطعاً لأ كــــــــــــــــــــــــل حاجه تقريباً موجودة من data entry - Sales
Computer related problems IT - CS - Translation - Writing- Articles - Politics
و أنت بتعمل الأكونت بتختار المجالات اللى حابب تقدم فيها أو تبقى Featured ..

طيب فى ناس كتير بتشتغل فى الكلام ده ؟

ايوه تعالوا نشوف مصريين زيينا بيعملوا ايه :

ضياء قاسم 

رانيا عبد الجليل 

ابراهيم البناوى 

Nourhan

فى كل ال Profiles دى هتلاقو الوظايف اللى اشتغلوها تحت بعض و ال Feedback برده و كام اتدفعلوهم و من امتى انضموا و اخر مرة اشتغلوا و كل الأمور دى

العمل الحر


Share

Suggestions

AD1

Back to Top