المقاله (( التعريف - المجالات - المواقع - نصائح ))
✅ ايه هو الفريلانسر ؟
الفريلانسر هو شخص عنده خبرة كافية أو مهاره بمجال معين، وعنده القدرة على تنفيذ الأعمال سواء كانت لأشخاص أو شركات كبيرة .
الفري لانسر عالم كبير وواسع وفيه أعمال كثيرة ومتعددة، ومن ضمن الأعمال دي التصاميم الصور أو ترجمة مقالات الى اللغه الانجليزية والعكس.
برضو كتابة المقالات و أن تقوم بالعمل مقابل مال ولكن عن بعد منغير ماتتقيد بمكان شركة أو مواعيد معينة، عشان كدا أصبح عمل الفريلانسر مطلوب ومتداول فى العالم كله
✅ المجالات :-
◀️ أولا مجال التصميم
يعتبر مجال التصميم هو المجال الأقوى والأسهل والأصعب فى نفس الوقت نظرا للتنافس الشديد ولكن مهاراتك هتخليك دايما فى المقدمة ومن أمثلتها:
تصميم لوجوهات وتصميم كروت شخصية وبوسترات وتصميم أغلفة كتاب وتصاميم مواقع وتصميم فلايرز وبروشورز ورسم شخصيات كرتون وتصميم تشيرتات ومعالجة الصور والتعديل عليها
◀️ ثانيا مجال الكتابة والترجمة
مجال الكتابة والترجمة عليه طلب كبير فى مواقع فري لانسر عربى وأجنبى، والتى تتطلب إجادة لغات وكذلك أجادة الأوفيس
◀️ ثالثا مجال الفيديو
مجال الفيديو من المجالات اللي تتطلب تدريب وخبرة كافية عشان تبدا فيها، وتتطلب إجادة برامج المونتاج
زي عمل مونتاج للفيديوهات وعمل فيديوهات موشن جرافيك وعمل فيديوهات إعلانيه
◀️ رابعا مجال الصوتيات
مجال الصوتيات يشمل التعليق الصوتى وتعديل ومعالجة الملفات الصوتية
◀️ خامسا مجال البرمجة
من أقوى المجالات فى الفترة الأخيرة وتشمل مجالات متعددة ومنها إنشاء مواقع وتطبيقات
◀️ سادسا مجال الدعاية والاعلان
من المجالات المطلوبة والتى يمكنك تعلمها بسرعه والعمل عليها
ومنها تصميم بوسترات دعائية أو كاتب محتوى بصفحة فيسبوك أو ادارة صفحات فيس وغيرها
◀️ سابعا التدوين Blogging
عالم التدوين واسع جدا، هتلاقي ناس بيعملوا دخل شهري لنفسهم من خلال مدونة خاصه بيهم و عن طريق انه يلاقي رعاة رسميين يروجوا للمدونة بتاعته و البعض يعمل لصالح تلك الشركات حيث تدفع لهم مقابل بالساعة او لكل منشور
◀️ ثامنا إدارة منصات التواصل الاجتماعي Social Media Management
بصفتك مديرا لمنصات التواصل الاجتماعي، هتكون مسؤول عن جميع قنوات التواصل الاجتماعي لشركة معيّنة، وسيتعيّن عليك استخدام مهاراتك التسويقية في زيادة عدد المتابعين، وإيصال رسالة الشركة لأكبر عدد ممكن من المستخدمين. بالإضافة للتفاعل معهم والردّ على استفساراتهم والقيام بمهمّة شبيهة إلى حدّ كبير بخدمة العملاء
◀️ تاسعا التصوير الفوتوغرافي Photography.
ممكن تكون بتحب التصوير جدا بس عمرك فكرت ازاى تكسب فلوس ويبقي ليك مصدر دخل إضافي من خلالها
كتير من الشركات و المواقع الالكترونيه بتحتاج صور لاضافتها ع الصفحات الخاصه بيها او منصات التواصل الاجتماعي و ممكن تكون صورك منها
و ممكن تبيع الصور دي علي بعض المواقع المشهورة زي Bigstock أو Shutterstock
✅ اهم مواقع الفريلانسر ؟؟
Fiverr
Up work
Freelance
Guru
ureed
Peopleperhour
. خمسات khamsat
. خدمتي -Khidmitty
من البيت -Bayt
موقع شغل أون لاين -Shoghlonline
. تصميمي -TasmeemME
سوق فن -SouqFann
موقع مهاراتي – Maharaty
موقع مستقلMostaql
✅ 10 نصايح لو بتشتغل فريلانسينج:-
1- خدواLeap of faith
متبقاش خايف انك تبدأ و تقعد تقول هو مين هيكلمني ويطلب مني شغل
2- Discipline
لازم يبقي عندك امانة في شغلك مش عشان بتشتغل فريلانسينج و ف أي وقت براحتك يبقي تسيبه وتعمل كل حاجة ملهاش أولوية دلوقتي وتخلي الشغل اخر حاجه تعملها مهو براحتي
3- ياخدنا لتالت نصيحه وهي ال Time Management
ضروري اعمل schedule يحددلي انا هعمل الشغل دا امتي و يومي هيمشي ازاي عشان مبوظش كل حاجه بسبب ال flexibility اللي الفريلانسينج بيوفرهالي
4- هيكون عندك Effective System
و دا هيساعدك تنظم كل شغلك بنفسك حتي لو اتضغطت ف كذا تاسك ف نفس الوقت لان انت اللي بتعمل كل حاجه مفيش حد يديلك مهام معينه تعملها
5- You need to learn more than one skill
ممكن تبقي شاطر جدا ف مجالك لكن مش عارف تبراند لنفسك بمهارة معينه اذن متركزش كل تركيزك علي التكنيكال سكيل اللي عندك و حاول تكتسب مهارات تانيه تساعدك انك تظهر اكتر
6- Emergency Fund
حاول تحوش فلوس من شغلك كل شهر تكفيك من 3 ل 6 شهور ع الأقل عشان لو لاقدر الله حصل أي حاجه و قررت توقف شغل او في شهر حصل عجز ف العملاء بتوعك او أيا كان اللي حصل يبقي عندك فلوس تسندك
7- Mental Health Awareness
وعيك بنفسك و صحتك هياثر بالإيجاب علي شغلك
8- Success is not linear
انت كفريلانسر حياتك مش هتبقي خط مستقيم توقع دايما انك مش كل يوم هتقدر تعمل شغل زي اليوم اللي قبله ممكن اكتر و ممكن اقل ف خليك دايما مقتنع ب دا و مياثرش عليك عدم الاستقرار ف البدايه
9- Brand yourself
قول لكل الناس انت بتعمل أي و عرفهم بنفسك مش عيب سواء اونلاين او اوفلاين
10- اهم واخر نصيحه وهي متطبقش النصايح وتستني تشوف النتيجه
دي مش مذاكرة امتحان و مستني نتيجتك فيها
خلي الكلام دا أسلوب حياتك و اسعي دايما انك تعرف كل حاجه تخليك احسن و تسيب الباقي ع ربنا
