الرئيسية / المقالات /
97369 مشاهدة07 يوليو 2017

ازاي تشتغل freelancer في مجال الترجمة ؟؟ - STJEGYPT

ازاي تشتغل freelancer في مجال الترجمة ؟؟ - STJEGYPT


أي حد بيحاول يقدم حاجه يخدم بيها الناس لازم يحدد أهدافه من الحاجه دي و احنا هدفنا من الpost دا اننا ننشر بين الناس ثقافة استخدام الانترنت كمجال للعمل و اكتساب المهارات و الخبرات بدل ما نستخدمها في تضييع الوقت و نختصر على نفسنا سنين التوهان..
الpost دا مهم لكل شخص دارس في كليات اللغات و الترجمة و أي حد عنده لغه تانيه غير لغته الأصلية و يقدر يستخدمها في انه يترجم من لغة للغة تانيه..
***الأول بس عاوزين نعرف ازاي نقدر نشتغل عن طريق الانترنت ؟؟ 
العمل الحر باختصار هو عمل غير مرتبط بشركة أو مؤسسة ولكن هو عبارة عن مهمة او وظيفة بتتقدم من خلال عملاء مختلفين من جميع أنحاء العالم بيجمعهم مواقع عالمية متخصصة لهذا الغرض بيشترك فيها القائمين بالأعمال وأصحاب العمل مقابل نسبة تخصم من احد الطرفين ( النسبة من%10 ل %15) أو اشتراك سنوي او نصف سنوي حسب سياسة الموقع . (على فكرة احنا كدا اختصرنا الموضوع دا بيتقال في محاضرات)
****ازاي اشتغل بقى ؟؟
- تشترك في أكتر من موقع زي (upwork وfreelancer)
- تدرس الموقع اللي هتشترك فيه و تعرف متطلباته لأن المواقع دي مش بتختار أي حد و فيه منها بيعمل اختبارات و interview زي upwork.
- تعمل لنفسك portfolio كويس تعبر فيه عن نفسك و عن الحاجات اللي انت اشتغلت فيها قبل كدا ( اللي تكون خاصه بمجالك)
- تختار العملاء بتوعك بدقة و تشوف الrate بتاعهم عشان محدش ينصب عليك.
- تخلص الشغل المطلوب منك في الوقت المحدد و ياريت قبل الوقت ان أمكن لأنك مينفعش تتاخر.
- مينفعش تقدم على شغل أنت مبتعرفش تعمله لأنك لو معملتوش صاحب الشغل هيديك تقييم سيء و سمعتك مش هتبقى كويسه.
- تحول الفلوس لأقرب بنك لبلدك ( عن طريق الpaypal).
** أشهر مواقع العمل الحر ؟؟
المواقع دي مش خاصة بالترجمة دول أشهر مواقع العمل الحر اللي مش هتقدر من خلالهم تختار اللي يناسبك ما كتر الشغل اللي عليهم.
**اللي بيميز العمل الحر عن المجال الوظيفي حاليا انك بتقدر تشتغل في اللي انت بتحبه و شاطر فيه و بس .. من غير روتين و ملل و كل يوم فيه جديد .. سواء كنت طالب أو كنتي ست بيت و حياتك الأسرية مش بتتيح لك الفرصة انك تنزلي تشتغلي .. كل المطلوب منك انك تكون شخص بيعرف ينظم وقته كويس .
نيجي بقى للمواقع :-
1-UpWork
بعد دمج موقع Elance و Odesk في كيان واحد اسمه upwork أصبح أقوى موقع على مستوى العالم في مجال الfreelance و فيه ناس اساسا مش بتشتغل غير عليهم و مش ملاحقين شغل.
2-freelancer
بدأ في 2004 و مشهور بإقبال عالي جدا.
3-Ifreelancer
و دا موقع سهل انك تعمل accountعليه و تبدأ تبحث عن شغل تعمله بسرعة.
4-fiverr
أي خدمة بتقدمها على الموقع دا ب5 دولار.
5-proZ
و دا موقع متخصص في مجال الترجمة و ممكن الناس تشوفه انه مكلف من ناحية النظام المالي بتاعه .
ـــــــــــــــــــــــــــــــــــــــــــــــــــــــــــــــ
طبعا أي حد ليه الحرية في انه يقرر هيشتغل على موقع متخصص في مجال الترجمة ولا هيشتغل في المواقع المتخصصة في كل حاجه.
ــــــــــــــــــــــــــــــــــــــــــ
**حاجات تاخد بالك منها و انت شغال freelancer:-
1- انك تشترك في مواقع مجهولة أو لسه بتبدأ في مجال العمل الحر.
2- انك تخالف قوانين الموقع و اللي لازم تكون حافظها أكتر من اسمك.
3- انك تقدم على شغل أعلى من قدراتك أو مطلوب فيه حاجات انت مش بتعرف تعملها (افتكر اني قولتلك بلااش)
4- متغيرش الوقت اللي اتفقت عليه مع العميل عشان متبوظش سمعتك اللي انت محيلتكش غيرها في المجال  :D
5- و بردوا متتعاملش مع عميل سمعته وحشه الا لو انت كمان سمعتك وحشه (الطيور على أشكالها تقع)
6- أوعى العميل يقولك تعالى نشتغل بعيد عن الموقع و تروح معاااااه ( اللي أوله كفته آخره اييييييه .....)
7- ابعد عن الشغل المشبوه يا صاحبي عشان مفيش اكتر منه.

Share

Suggestions

Back to Top