٤خطوات لإعادة تركيزك
كتبت/بسملة فؤاد
بضغطة زرار بقينا نقدر نخلص شغلنا ونتسوق واحنا في مكانا، بس للاسف ده بيأثر بالسلب على أجسامنا
4خطوات هتخلصك من الكسل وتمنع التشتت:
1- "تنظيف مواقع التواصل الاجتماعي"
شوف هل متابعة الشخص ده فيه منها فايده ليك ولا لأ، لو لأ إلغي متابعته، الغي متابعة اي حاجه بتستهلك وقتك و زهنك على الفاضي، احذف كل التطبيقات اللي ملهاش اي فايده بالنسبة ليك.
2- "اختيار المصدر"
لو انت بتحب تتابع الاخبار و الاحداث اختار موقع واحد بس موثوق منه وتكون فيه القضايا اللي محتواها طويل، لما المحتوى بيبقى طويل ده بيحتاج لبحث وتركيز ومعلومات اكتر وفهم دقيق، على عكس المحتوى القصير بيبقى محتاج تكمِله للمعلومات اللي فيه.
والهدف من المحتوى المحتوى الطويل انو بيزود تركيزك وتساءلك وتطور قدرتك على التركيز والانتباه.
3- "تخصيص وقت للملهيات"
خصص 30دقيقه لمواقع التواصل الاجتماعي واقفل الاشعارات والموضوع ده هيبقى سهل لو بتفتح من الكمبيوتر وصعب لو من الموبايل
خصص وقت للترفيه زي مثلا مشاهدة حاجه ترفيهية أو الخروج
افتح الايميل مرتين بس في اليوم مره الصبح ومره نص اليوم
سيب الموبايل بره الاوضه اللي بتشتغل أو بتذاكر فيها الصبح وبره اوضة النوم بالليل.
4- "التنفيذ"
اختيار إلتزامات أقل وتحقيق تقدم فيها.
محتاج تحط حدود تقيم بيها نفسك، فيه آلتين ممكن يساعدوك:
- برامج حظر مواقع الانترنت على الكمبيوتر ودي بتمنع استخدام برامج معينة وانت بتستخدم الجهاز وبالتالي تعرف تركز اكتر.
- تطبيقات بتمنعك من استخدام الموبايل زي تطبيق Help me focus من التطبيقات اللي بتقفل المواقع الإباحيه.