لو حد مبيعرفش يذاكر كتير او يقعد فتره كبيره يذاكر متواصل فالراجل ده ذاكر 1620 ساعه في 6 شهور ..
كتب/ محمود نوار
الشخص ده بيدرس طب في لندن بيقول انه كان بيذاكر من 8-10 ساعات في اليوم لمدة 6 شهور و انه كان ممكن يفضل يذاكر متواصل 4 ساعات بدون فواصل ف بيشرح في الفيديو الطريقه اللي هو مشي عليها و خلته يحافظ على انتاجيته وتركيزه في المذاكره و ازاي كان بينظم وقته في 8 خطوات:
1- Strict study schedule
بيقول انه كان بيعمل لنفسه جدول "مش زي الجداول بتاعتنا" وانه كان لازم يمشي عليه و ينفذه بالحرف و ان كل حاجه ليها معاد ثابت في اليوم ف لما يجي وقتها لازم يعملها و يديها الوقت اللي هو محدده بالظبط وتكون ثابته كل يوم متتغيرش
2- Consistency is key
ان من الحاجات اللي ساعدته انه ينجح في ده هي الاستمراريه و الثبات علي النظام اللي هو ماشي عليه بمعني انه مش مثلا يطبق النظام يوم و عشره لا، لا كان بيحاول انه يحافظ علي مجهوده عشان يقدر يعمل نفس اللي هو بيعمله كل يوم
3- Learn to say NO!
من الحاجات المهمه برضه ان الواحد يعرف يقول لأ لاي حاجه ممكن تشتته او تعطله و انه كان بيحاول يأجل اي حاجه ممكن تخليه يضيع وقت او تعمل فواصل في النص
4- Make time for fun
انك تفضل طول اليوم بتذاكر بس مش حاجه كويسه لصحتك و مش مفيده ف لازم تحدد وقت من اليوم تعمل حاجه تكون بتحبها او تريح متعملش حاجه خالص عشان تقدر تشحن طاقتك تاني و تقدر تكمل مذاكره عشان متكرهش نفسك
5- Exercise Regularly
ان من الحاجات المهمه برضه هي التمرين و مش لازم تكون تمارين صعبه تاخد وقت كتير ممكن تقتصر بس علي الجري او المشي او تمارين بسيطه تخليك تقدر تتخلص من التوتر و تذود تركيزك
6- Managing your Stress
التوتر من اكتر الاسباب اللي ممكن تبوظ كل حاجه و تطلع الواحد من تركيزه و ميقدرش يكمل عشان كده من اهم الحاجات ان الواحد يكون بيعرف يتحكم في التوتر اللي عنده و ان الطريقه اللي هو كان بيمشي بيها هي التمرين و انه يكتب كل حاجه بتسببله توتر و يحاول يدور علي حل ليها و يكتبه عشان يعرف يحدد ممكن يتعامل معاها ازاي
7- Positive mindset
انه يكون التفكير اتجاه الحاجه اللي انت بتعملها ايجابي عشان تتحفز انك تكمل و متزهقش بمعني ان ميكونش سبب المذاكره مجرد امتحان و خلاص لا المفروض تكون محدد هدف اكبر بتسعي ليه و هياثر عليك بإيجابيه قدام عشان كده بتتخلي عن اي وقت فاضي او اجازه في سبيل انك تحقق هدفك ده
8- Focus on what is in front of you
اخر حاجه انك تركز بس في الحاجه اللي انت بتعملها و متشغلش بالك انت وراك ايه بعد كده او انك المفروض تذاكر اد ايه او الامتحان هيبقي ازاي لا الاهم انك مركز في الحاجه القريبه الاول و يفضل انك تكتب كل حاجه هتعملها بالتفصيل كمثال انا في الوقت ده هذاكر 10 صفحات يبقي انا كل تركيزي ف الصفحات اللي انا حددتها بس مفكرش ف حاجه تانيه
اخر حاجه قالها انك كل حاجه تكون كاتبها و لما تخلصها تشطب عليها عشان تحس فعلا بالانجاز اللي عملته عشان تتحفز انك تكملو متزهقش
لو عايز تدخل على قناته ع اليوتيوب من هنا
